ہماری بربریت دیکھ کر مہذب دنیا پر سکتہ طاری ہوگا، شہباز گل کی حالت پر عمران خان کا ردعمل

اسلام آباد: چیئرمین پاکستان تحریک انصاف عمران خان نے اپنے چیف آف اسٹاف شہباز گل کی اسپتال منتقلی کی ویڈیو پر ردعمل کا اظہار کیا ہے۔

تفصیلات کے مطابق سماجی رابطے کی ویب سائٹ ٹوئٹر پر چیئرمین پی ٹی آئی نے ویڈیو شیئر کرتے ہوئے ملک کو بنانا ریپبلک کہا۔

Descending into a banana republic. The civilised world will be shocked at our levels of barbarism. The worst part is an easy target has been chosen to make an example of through torture & without a fair trial. pic.twitter.com/BJve8kv8FN

— Imran Khan (@ImranKhanPTI) August 17, 2022

انہوں نے کہا کہ بنانا ریپبلک میں ڈھلنے کے مناظر، ہماری بربریت دیکھ کر مہذب دنیا پر سکتہ طاری ہوگا۔

یہ بھی پڑھیں:

فرائض میں غفلت کا الزام، ایف بی آر اپنے ملازمین کیخلاف کارروائی کیلئے تیار

چیئرمین پی ٹی آئی نے کہا کہ بدترین پہلو تو یہ ہے کہ منصفانہ عدالتی کارروائی کے بغیر جبر و تشدد سے مثال بنانے  کے لیے  ایک آسان ترین ہدف چُنا گیا ہے۔

عمران خان کا کہنا تھا کہ نوازشریف، مریم، مولانا فضل الرحمٰان اور آصف زرداری جیسے وہ تمام کردار جو ریاستی اداروں کے خلاف  بغض و عناد سے بھرپور بیانات کے ذریعے انہیں ہرممکن حد تک بدترین انداز میں بار بار نشانہ بناتے رہے ہیں، بلاخوفِ ملامت آزاد گھوم رہے ہیں۔ 

خیال رہے کہ پاکستان تحریک انصاف کے رہنما شہبازگل کو پمز اسپتال کے کارڈیک سینٹر میں داخل کرلیا گیا ہے۔ طبی معائنے کے لئے 3 رکنی میڈیکل بورڈ قائم کردیا گیا۔