گوگل نیوز پر ہمیں فالو کریںپاکستان میں اوٹی ٹی پلیٹ فارم یوٹیوب پر سُپر ہٹ قرار پانے والی ٹیلی فلم ‘روپوش’ کی کامیابی پر شوبز کے تمام ستارے جمع ہوگئے۔
عبداللہ کادوانی کے بیٹے ہارون کادوانی کی فلم کو بہت زیادہ پسند کیا گیا یہی وجہ ہے کہ فلم کی کامیابی پر ایک پارٹی کا اہتمام کیا گیا جہاں پر تمام مشہور شوبز ستاروں نے شرکت کی۔
ٹیلی فلم میں ہارون کادوانی کے علاوہ کنزہ ہاشمی بھی شامل تھیں جن کی اداکاری کو بھی خوب سراہا گیا۔
جن شوبز ستاروں نے اس تقریب میں شرکت کی اُن میں ٹیلی فلم کے مرکزی کرداروں ہارون کادوانی اور کنزہ ہاشمی کے علاوہ صبور علی، نمرہ خان، فیروز خان، عمار خان، مدیحہ امام اور دیگر کئی اداکار شامل تھے۔
یہ بھی پڑھیں:عمیر وقار نے ثنا جاوید کو جوابی نوٹس بھیج دیا
خیال رہے کہ یوٹیوب پر 10 ملین ویوز حاصل کر کے کامیابیوں کے ریکارڈ توڑنے والی ٹیلی فلم ’روپوش‘ کے سپر ہٹ ہونے پر جیو انٹرٹینمنٹ اور سیونتھ اسکائے کی جانب سے شوبز انڈسٹری کے معروف ستاروں کو مدعو کیا گیا اور فلم کے کامیاب ہونے پر 2 کیک بھی کاٹے گئے۔
