گوگل نیوز پر ہمیں فالو کریںاحمد آباد کے نریندر مودی اسٹیڈیم میں کھیلے گئے پہلے ٹیسٹ میچ میں بھارت نے ویسٹ انڈیز کو صرف تین دنوں کے اندر ایک اننگز اور 140 رنز سے شکست دے کر دو میچوں کی سیریز میں ایک صفر کی برتری حاصل کر لی۔ میزبان ٹیم نے شاندار بیٹنگ اور جادوئی باؤلنگ کے امتزاج سے حریف ٹیم کو بے بس کر دیا۔
بھارت نے ٹاس کے بعد ویسٹ انڈیز کو پہلی اننگز میں صرف 162 رنز پر ڈھیر کر دیا۔ اس کے بعد بھارتی بلے بازوں نے شاندار بیٹنگ کرتے ہوئے 448 رنز پانچ کھلاڑی آؤٹ پر اننگز ڈکلیئر کی۔ کے ایل راہول نے شاندار سنچری اسکور کی جبکہ مڈل آرڈر کے بلے باز دھروو جریوال اور رویندرا جدیجا نے بھی سنچریاں جڑ کر اننگز کو مستحکم بنیاد فراہم کی۔
بھارت کی 286 رنز کی برتری کے بعد میزبان کپتان نے تیسری دن کے آغاز پر اننگز ڈکلیئر کر دی۔ ویسٹ انڈیز کی ٹیم دوسری اننگز میں بھی بھارتی باؤلنگ کے سامنے ڈٹ نہ سکی اور پوری ٹیم 146 رنز پر آؤٹ ہو گئی۔
India register a massive win against the Windies in the first Test at Ahmedabad 👌#INDvWI | #WTC27📝: https://t.co/0CCdk4QFPN pic.twitter.com/UuMjIzgTEW
— ICC (@ICC) October 4, 2025
رویندرا جدیجا نے 54 رنز کے عوض چار کھلاڑی آؤٹ کیے اور بھارتی فتح میں کلیدی کردار ادا کیا۔ ان کی گیندوں کے ساتھ بھارتی فیلڈرز کے شاندار کیچز نے بھی ویسٹ انڈیز کے بلے بازوں کی مشکلات میں اضافہ کیا۔
نیتیش کمار ریڈی نے تاگنارائن چندرپال کا حیران کن کیچ لیا، جب کہ جان کیمبل اور برینڈن کنگ بھی جدیجا اور راہول کے ہاتھوں شاندار کیچز کا شکار بنے۔
کلدیپ یادو نے ویسٹ انڈیز کے کپتان روسٹن چیز کی وکٹ اڑا کر حریف ٹیم کو مزید دباؤ میں ڈال دیا۔ شائی ہوپ بھی جدیجا کی گیند پر یشسوی جیسوال کے بہترین کیچ کے نتیجے میں پویلین لوٹ گئے۔
ویسٹ انڈیز کے جے ڈن سیلز نے 22 رنز کی مختصر مگر دلکش اننگز کھیلی تاہم وہ ٹیم کو اننگز کی شکست سے بچانے میں ناکام رہے۔ اب سیریز کا دوسرا اور آخری ٹیسٹ 10 اکتوبر سے نئی دہلی میں کھیلا جائے گا۔
