گوگل نیوز پر ہمیں فالو کریںوفاقی وزیر برائے سائنس و ٹیکنالوجی فواد چوہدری نے کہا ہے کہ بھارت خلا میں ملبہ پھیلانے کا سبب بن رہا ہے جس پر عالمی تنظیموں کو نوٹس لینا چاہئے۔
سماجی رابطے کی ویب سائٹ ٹوئٹر پر اپنے پیغام میں وزیر سائنس و ٹیکنالوجی فواد چوہدری نے کہا کہ بھارت آہستہ آہستہ خلا میں ملبہ پھیلانے کا ایک بڑا ذریعہ بنتا جارہا ہے جس کا نوٹس لینا ضروری ہے۔
وزیر سائنس و ٹیکنالوجی فواد چوہدری نے کہا کہ بھارت غیر ذمہ دارانہ خلائی مشن بھیج کر خلا میں ملبہ پھیلاتا ہے جس سے ماحولیاتی نظام خراب ہورہا ہے۔ عالمی اداروں کو چاہئے کہ اس عمل پر سنجیدگی سے نوٹس لیں۔
India is becoming a huge source of Space debris, irresponsible space missions of India are dangrous for whole eco system, needs serious notice by Int organizations
— Ch Fawad Hussain (@fawadchaudhry) December 3, 2019
یاد رہے کہ اس سے قبل وفاقی وزیر برائے سائنس و ٹیکنالوجی فواد چوہدری نے بھارتی میزائل اگنی 3 تجربے کی ناکامی پر تبصرہ کرتے ہوئے مودی حکومت کو مشورہ دیا کہ وہ عوام کو اپنی دفاعی طاقت کی جھوٹی کہانیاں سنانا بند کردے۔
سماجی رابطے کی ویب سائٹ ٹوئٹر پر اپنے بیان میں وزیر سائنس و ٹیکنالوجی فواد چوہدری نے کہا کہ اگنی تھری میزائل تجربے میں ناکامی ایک افسوس کی بات ہے لیکن بھارت سرکار کو ایسے تجربوں سے گریز کرنا چاہئے۔
وزیر سائنس و ٹیکنالوجی فواد چوہدری نے کہا کہ بھارتی حکومت دفاعی طاقت کی جھوٹی کہانیاں سنا سنا کر عوام کا پیسہ ضائع کر رہی ہے، بھارتی پارلیمنٹ کو مشورہ دیتا ہوں کہ آپ تمام ناکام سائنسی تجربات کا آڈٹ کروائیں۔
مزید پڑھیں: اگنی 3 ناکامی: بھارت دفاع پر جھوٹی کہانیاں نہ سنائے۔ فواد چوہدری
