گوگل نیوز پر ہمیں فالو کریںبھارت اور جنوبی افریقہ کے درمیان جمعہ کو ٹی 20 میچ کے دوران ایک ناخوشگوار واقعہ پیش آیا جب بھارتی کرکٹر سنجو سیمسن کے چھکے نے شائقین کے اسٹینڈز میں بیٹھی ایک خاتون تماشائی کو زخمی کر دیا،یہ میچ جوہانسبرگ میں کھیلا گیا اور سیریز کا چوتھا ٹی 20 مقابلہ تھا۔
اوپننگ بیٹسمین سنجو سیمسن نے شاندار کارکردگی کا مظاہرہ کرتے ہوئے صرف 56 گیندوں پر 109 رنز بنائے، جن میں چھ چوکے اور نو چھکے شامل تھے۔ پہلی اننگز کے دسویں اوور میں سنجو سیمسن نے ٹرسٹن اسٹبز کی گیند پر ایک زبردست چھکا مارا۔
یہ گیند میدان کے باہر اسٹینڈز میں بیٹھی ایک خاتون تماشائی کے چہرے پر لگی۔ ویڈیوز میں دیکھا گیا کہ خاتون کو تکلیف کے باعث روتے ہوئے دکھایا گیا اور کسی نے ان کی چوٹ پر برف لگائی۔ سنجو سیمسن نے اس واقعے پر اپنی تشویش کا اظہار کرتے ہوئے فوری طور پر زخمی مداح سے معافی مانگی۔ یہ لمحہ سوشل میڈیا پر تیزی سے وائرل ہو گیا۔
سیمسن کی شاندار بیٹنگ کی بدولت بھارت نے 283-1 کا شاندار اسکور بنایا۔ انہوں نے اپنی اننگز کے دوران 10 چھکے اور سات چوکے لگائے۔ بھارت نے جنوبی افریقہ کو 135 رنز سے شکست دے کر ٹی 20 سیریز 3-1 سے جیت لی۔
اس سنچری کے ساتھ سنجو سیمسن ٹی 20 کی تاریخ میں ایک کیلنڈر سال میں تین سنچریاں بنانے والے پہلے کھلاڑی بن گئے۔
