گوگل نیوز پر ہمیں فالو کریںمشہورومعروف بھارتی انفلوئنسر اور مسلمان کامیڈین منور فاروقی کے گھر بیٹی کی پیدائش ہوئی ہے۔ بگ باس 17 کے فاتح خوبصورت سی بچی کے والد بن گئے۔
تفصیلات کے مطابق بھارتی میڈیا نے منور فاروقی اور اہلیہ مہزبین کوٹ والا کے ہاں بیٹی کی پیدائش کی تصدیق کردی۔ منور فاروقی نے سوشل پلیٹ فارم انسٹاگرام پر اپنے مداحوں کو بیٹی کی پیدائش کی خوشخبری خود بھی سنائی۔
View this post on Instagram
بھارتی میڈیا کا کہنا ہے کہ منور فاروقی کامیڈی کے ساتھ ساتھ روسٹ کیلئے بھی جانے جاتے ہیں جو کامیڈی کی ایک ایسی قسم ہے جس کے تحت کامیڈین اپنے کسی مہمان یا کسی مشہور شخصیت کو ہدف بنا کر مزاحیہ انداز میں تنقید کرتے ہیں۔
مداحوں کے ساتھ بیٹی کی پیدائش کی خوشخبری شیئر کرتے ہوئے منور فاروقی نے کہا کہ گھر میں برکت آئی ہے۔ انہوں نے اللہ تعالیٰ کا شکر بھی ادا کیا، اور مداحوں سے درخواست کی کہ نومولود بچی کو اپنی دعاؤں میں یاد رکھیں۔
خیال رہے کہ منور فاروقی اور میک اپ آرٹسٹ مہزبین کوٹ والا کی شادی 2024 میں ہوئی تھی، اس سے قبل ان کی شادی جیسمین سے ہوئی جن سے ان کے ایک بیٹے کا نام میکائل ہے جبکہ مہزبین بھی پہلی شادی سے ایک بیٹی سمیرا کی ماں ہیں۔
