زخمی آصفہ بھٹو کا نیک خواہشات کا اظہار کرنیوالوں سے اظہارتشکر

جمعہ کو لانگ مارچ کے دوران ڈرون کیمرے کی زد میں آنے والی پاکستان پیپلز پارٹی کی رہنما آصفہ بھٹو زرداری نے نیک خواہشات اور حمایت کا اظہار کرنے والوں کاشکریہ ادا کیا ہے۔

پیپلز پارٹی کے چیئرمین بلاول بھٹو زرداری کی بہن نے ٹوئٹر پر اپنے لیے محبتوں اور دعاؤں پر سب کا شکریہ ادا کیا۔

Would like to thank everyone for the outpouring of love & prayers❤️Deeply indebted to the paramedics at 1122 station Khaniwal,Ms Zunaira & Mr Baber for their stellar & immediate first aid. Would also like to thank the local police for rushing me to Mukhtar Sheikh Hospital Multan pic.twitter.com/jgASWW2Tf4

— Aseefa B Zardari (@AseefaBZ) March 5, 2022

اپنے ٹوئٹر پیغام میں ان کاکہنا تھا کہ “میں محبت اور دعاؤں کے اظہار کے لیے سب کا شکریہ ادا کرنا چاہتی ہوں۔ 1122 اسٹیشن خانیوال کے پیرامیڈیکس، زنیرہ اور بابر کی شاندار اور فوری ابتدائی طبی امداد کے لیے تہہ دل سے مقروض ہوں۔ مجھے مختار شیخ ہسپتال ملتان پہنچانے پر مقامی پولیس کا بھی شکریہ ادا کرنا چاہوں گی۔

مزید پڑھیں:پی پی کا عوامی مارچ، اسٹیج پر کھڑی آصفہ بھٹو سے ڈرون ٹکرا گیا، اسپتال منتقل

گزشتہ روز سابق صدر آصف علی زرداری کی صاحبزادی کے سر پر ڈرون کیمرہ اس وقت لگا جب وہ اپنے بھائی بلاول بھٹو زرداری کے ساتھ سٹیج پر موجود تھیں۔انہیں ابتدائی طبی امداد کے لیے ملتان منتقل کر دیا گیا تھا۔

بلاول بھٹو نے مارچ کے شرکاء سے خطاب کرتے ہوئے تصدیق کی کہ ان کی بہن ڈرون کی زد میں آکر زخمی ہوئی تھی۔ پی پی پی کے سربراہ نے بتایا کہ پنڈال پر موجود پیرا میڈیکل اسٹاف نے مشورہ دیا کہ انہیں ٹانکے لگانے کی ضرورت ہے جس کے بعد انہیں اسپتال منتقل کیا گیا۔