گوگل نیوز پر ہمیں فالو کریںپاکستان اسٹاک ایکسچینج میں جمعرات کو اتار چڑھاؤ کے بعد بینچ مارک کے ایس ای 100 انڈیکس 342 پوائنٹس کے اضافے سے ایک لاکھ 30 ہزار 686 پر بند ہوا۔
کاروباری ہفتے کے چوتھے روز دوپہر میں دوران کاروبار کے ایس ای 100 ایک لاکھ 31 ہزار 325 کی سطح تک پہنچ گیا تھا۔
منگل اور بدھ کو زبردست تیزی کے رجحان کے بعد، جمعرات کو اسٹاک مارکیٹ سبز رنگ میں کھلی اور مختصر وقت میں 900 سے زائد پوائنٹس بڑھ کر تمام وقت کی بلند ترین سطح پر پہنچ گئی تاہم بعد میں فروخت کا دباؤ ابھرا اور اس نے ابتدائی فائدہ کھو دیا لیکن سیشن کے اختتام تک سبز رنگ میں رہا اور 0.26 فیصد کی مثبت تبدیلی کے ساتھ 342.62 پوائنٹس کے اضافے کے ساتھ بند ہوا۔
گزشتہ کاروباری روز 1,026,117,776 حصص کے مقابلے دن کے دوران مجموعی طور پر 278,453,179 حصص کا کاروبار ہوا جبکہ گزشتہ کاروباری روز 49.294 بلین روپے کے مقابلے 27,252 ارب روپے حصص کی قیمتیں رہیں۔
اسٹاک مارکیٹ میں 467 کمپنیوں کے حصص کا لین دین ہوا، جن میں سے 215 میں اضافہ اور 236 میں مسلسل کمی جبکہ 16 کمپنیوں کے حصص کی قیمتوں میں کوئی تبدیلی نہیں ہوئی۔
توانائی کے شعبے میں خریداری دیکھی گئی، جس میں انڈیکس ہیوی اسٹاک بشمول او ڈی جی سی، ماری، پی پی ایل، پی ایس او، وافی سبز رنگ میں ٹریڈنگ کر رہے تھے۔
تجزیہ کار جارحانہ ادارہ جاتی خریداری، مضبوط آمدنی کی توقعات، اور مثبت معاشی اشاریوں کو مارکیٹ کی ریکارڈ توڑ رفتار سے منسوب کرتے ہیں۔
