گوگل نیوز پر ہمیں فالو کریںبھارتی ماڈل سوراب بیدی نے بالی وڈ اداکارہ ملائیکا اروڑا کے ساتھ تعلقات کی خبروں پر اپنے ردعمل کا اظہار کردیا۔
بھارتی میڈیا کے مطابق سوشل میڈیا پر ملائیکا اروڑا اور سوراب بیدی کی ویڈیو وائرل ہوئی تھی جس میں دونوں کو ایک ساتھ دیکھا گیا تھا۔
ویڈیو وائرل ہونے کے بعد یہ افواہیں گردش کرنے لگیں کہ شاید ملائیکہ اروڑا سوراب بیدی کے ساتھ تعلق میں ہیں جس پر پہلے تو دونوں کی جانب سے کوئی ردعمل ظاہر نہیں کیا گیا، تاہم اب بھارتی ماڈل نے اس حوالے سے خاموشی توڑ دی ہے۔
بھارتی میڈیا کو دیے گئے انٹرویو میں سوراب بیدی نےملائیکہ اروڑا کے ساتھ ڈیٹنگ کی افواہوں کو مسترد کرتے ہوئے کہا کہ وہ ملائیکا اروڑا کے دوست ہیں۔
وہ کیسے ملائیکہ اروڑاکے دوست بنے؟ اس حوالے سوراب بیدی نے بتایا کہ ماڈل مینجمنٹ اور بیک اسٹیج ڈائریکٹر دلناز دارو والا اور وہبز مہتا نے مجھے ماڈلنگ کے ابتدائی دنوں میں کافی مدد کی اور مجھے ماڈلنگ کا موقع دیا، اسی دوران ملائیکا اروڑا سے میری بہت اچھی دوستی ہوئی۔
وائرل ویڈیو پر بات کرتے ہوئے سوراب بیدی کا کہنا تھا کہ لوگ ہمارے بارے میں کئی باتیں کر رہے ہیں، لوگوں کو کسی لڑکی کے بارے میں بات کرنے سے پہلے سوچنا چاہیے، یہ اس کی ذہنی صحت کو بھی متاثر کر سکتا ہے، ایسا نہیں کرنا چاہیے۔
واضح رہے کہ اس سے قبل ملائیکا اروڑا اداکار ارجن کپور کے ساتھ تعلقات پر بھی خبروں کی زینت بنی رہی تھیں جس پر ارجن کپور نے باقاعدہ ایک تقریب میں راہیں جدا کرنے کا اعترف کیا۔
