گوگل نیوز پر ہمیں فالو کریںایک جانب غزہ میں اسرائیلی بربربت کا سلسلہ جاری ہے، جس کے باعث ہزاروں فلسطینی لقمہ اجل بن چکے ہیں، جبکہ دوسری جانب اسرائیلی ٹک ٹاکرز نے بھی بے حسی کی مثال قائم کردی۔
سوشل میڈیا پر اسرائیلی ٹک ٹاکرز کی کچھ ویڈیوز سامنے آئی ہیں، ویڈیوز وائرل ہونے کے بعد اسرائیل کو ایک بار پھر شدید تنقید کا نشانہ بنایا جا رہا ہے۔
اسرائیلی ٹک ٹاکرز کی کچھ ویڈیوز الجزیرہ کے ایکس اکاؤنٹ پرشیئر کی گئی ہیں جس میں ٹک ٹاکرز کو غزہ کے مظلوم افراد کی بے بسی کا تمسخر اڑاتے دیکھا جا سکتا ہے۔
Videos of Israeli content creators making fun of Palestinians suffering without water, and electricity in Gaza are going viral ⤵️ pic.twitter.com/nwnC4kucMb
— Al Jazeera English (@AJEnglish) October 26, 2023
ویڈیوز میں اسرائیلی ٹک ٹاکرز کو غزہ میں ہونے والے نقصان کی تصویروں کے آگے ناچتے ہوئے اور اپنے کمرے کی لائٹ آن آف کرتے دیکھا گیا۔
اسرائیلی ٹک ٹاکر نے ویڈیوز میں پانی بجلی کے بے جا استعمال کے ذریعے فلسطینیوں کی مجبوریوں کا مذاق بھی اڑایا۔
سوشل میڈیا پر شیئر کی گئی ایک ویڈیو میں ٹک ٹاکر اسرائیلی خاتون کو فلسطینی خواتین جیسا لباس پہن کر کیچپ اور میک اپ کے ذریعے زخمی بچوں اور خواتین کا مذاق اڑاتے دیکھا گیا۔
