گوگل نیوز پر ہمیں فالو کریںپاکستانی شوبز انڈسٹری کے معروف ہدایتکار و فلمساز جرجیس سیجا نے شوبز ستاروں کیلئے ایک برنچ کی میزبانی کی ہے جس میں علی انصاری، حرا مانی، ندا یاسر اور عدنان صدیقی سمیت متعدد شوبز ستاروں نے شرکت کی۔
حال ہی میں جرجیس سیجا کے برنچ میں متعدد شوبز شخصیات نے اپنی شرکت یقینی بنائی جن میں ڈرامہ سیریل رنگ محل، اے دل تو بتا، مقدر اور گستاخ کے اداکار علی انصاری بھی شامل ہیں جو اپنی اہلیہ کے ہمراہ شریک ہوئے۔
مزاحیہ سیریل بلبلے 12 سال سے مسلسل مقبول، اداکار نبیل نے وجہ بتا دی
جرجیس سیجا کے برنچ میں شرکت کیلئے علی انصاری اور ڈرامہ سیریل میں اور تم 2.0، مبارک ہو بیٹی ہوئی ہے، وعدہ اور تیری چاہ میں اداکاری کے جوہر دکھانے والی ان کی اہلیہ صبور علی بھی شریک تھیں۔
مختلف ٹی وی سیریلز میں اداکاری کے جوہر دکھانے والی فنکارہ حرا مانی بھی اپنے شریکِ حیات سلمان ثاقب المعروف مانی کے ہمراہ شریک ہوئیں۔ دھوپ کی مناسبت سے دونوں فنکاروں نے آنکھوں پر چشمے لگائے ہوئے تھے جو کافی خوبصورت نظر آئے۔
مارننگ شو کی میزبان ندا یاسر جرجیس سیجا کے برنچ میں شریک تھیں۔ حال ہی میں اپنے ماضی کے ویڈیو کلپس پر سوشل میڈیا میں تنقید کیلئے ندا یاسر کو وضاحت کرنی پڑ گئی تھی۔
میرے پاس تم ہو سمیت متعدد ٹی وی سیریلز میں اداکاری کے جوہر دکھانے والے فنکار عدنان صدیقی نے بھی جرجیس سیجا کے برنچ میں شرکت یقینی بنائی۔
معروف مزاحیہ اداکار معین اختر کے ہمراہ لوز ٹاک، آنگن ٹیڑھا اور ففٹی ففٹی سمیت بے شمار ٹی وی شوز میں میزبانی اور اداکاری کرنے والے فنکار انور مقصود بھی اس تقریب کا حصہ بنے نظر آئے۔
اداکارہ ایمن سلیم، ہمایوں سعید اور اہلیہ بھی برنچ میں شریک ہوئے۔ شوبز کے مختلف ستاروں نے برنچ کے دوران الگ الگ اور ایک ساتھ بھی تصاویر کھنچوا کر سوشل میڈیا پر ڈالیں۔
