پی ایس ایل فائیو: کراچی پولیس نے متبادل راستوں کا خصوصی ٹریفک پلان ترتیب دے دیا

شہرِ قائد کی ٹریفک پولیس نے متبادل راستوں اور پارکنگ کے حوالے سے پی ایس ایل فائیو کے انعقاد کے دوران نافذ العمل خصوصی ٹریفک پلان ترتیب دے دیا ہے۔

پاکستان سپر لیگ (پی ایس ایل) کے پانچویں سیزن کے دوران رواں ماہ 20 سے 23 فروری تک مجموعی طور پر 4 میچز جبکہ اگلے ماہ 12 سے 15 اور 17 تاریخ کو 5 میچز ہوں گے۔

TRAFFIC AWARENESS AND SOCIAL MEDIA UNIT DIG TRAFFIC KARACHI pic.twitter.com/2TaXusf8of

— Karachi Traffic Police (@Khitrafficpol) February 19, 2020

کراچی کے نیشنل اسٹیڈیم میں میچز کے انعقاد کے لیے ٹریفک پولیس نے عوام کے لیے خصوصی ٹریفک پلان میں پارکنگ انتظامات کیے ہیں۔ پارکنگ کے لیے اصل شناختی کارڈ اور میچ کا ٹکٹ دکھانا لازمی قرار دیا گیا ہے۔ 

وفاقی اردو یونیورسٹی گراؤنڈ کے تحت  ضلع وسطی(سینٹرل) اور غربی (ویسٹ )کے رہائشی براستہ نیپا اور لیاقت آباد نمبر 10 ،حسن اسکوائر سے بائیں جانب یونیورسٹی روڈ پر اپنی گاڑی  پارک کرسکتے ہیں جبکہ انہیں بذریعہ شٹل بس ایکسپو سینٹر کے قریب لایا جائے گا ۔

شہریوں کو ہدایت کی گئی ہے کہ ضلع ملیر اور شرقی (ایسٹ )کے رہائشی براستہ صفورا، نیپا اور سہراب گوٹھ ، گلشن چورنگی بائیں جانب اے جی سند ھ یو ٹرن ، نیپا سے یونیورسٹی روڈ پر درج بالا مقامات پر اپنی گاڑی   پارک کریں۔

غریب نواز فٹبال گراؤنڈ نز د ملینئیم مال کے تحت  ضلع شرقی(ایسٹ) اور ملیر کے رہائشی براستہ ڈرگ روڈ اور راشد منہاس روڈ ۔ ملینئیم مال سے بائیں جانب اسٹیڈیم روڈ (جانب ڈالمیا) پر درج بالا گراؤنڈ میں اپنی گاڑی پارک کرسکتے ہیں اور بذریعہ شٹل بس انہیں بحریہ یونیورسٹی اسٹیڈیم روڈلایا جائے گا۔

 ایکسپو سینٹر یونیورسٹی روڈ کے تحت  ضلع جنوبی (ساؤتھ) ، سٹی اور کورنگی کے رہائشی براستہ شارع فیصل، شارع قائدین، اللہ والی چورنگی، سوسا ئٹی سگنل سے پی پی چورنگی اور یونیورسٹی روڈ حسن اسکوائر، بیت المکرم مسجد کے سامنے یو ٹرن لیکر ایکسپو سینٹر گیٹ نمبر 1 سے ایکسپو گراؤنڈ میں اپنی گاڑی  پارک کریں۔

ضلع وسطی (سینٹرل ) اور غربی(ویسٹ) کے رہائشی براستہ ناظم آباد، لیاقت آباد نمبر 10،حسن اسکوائر سے بائیں جانب یونیورسٹی روڈ بیت المکرم مسجد کے سامنے یو ٹرن لیکر ایکسپو سینٹر گیٹ نمبر 1 سے ایکسپو گراؤنڈ پر اپنی گاڑی پارک کریں بعد تلاشی ایکسپو سینٹر گیٹ نمبر 2 سے اسٹیڈیم جا سکیں گے۔

 رعنا لیاقت علی خان گرلز کالج بالمقابل آغا خان ہسپتال (اسٹیڈیم روڈ) کے تحت ٹاور، صدر ، کلفٹن اور ڈیفنس کے رہائشی نیو ایم اے جناح روڈ ، یونیورسٹی روڈ ، نیو ٹاؤن یو ٹرن سے اسٹیڈیم روڈ، اسی طرح شارع فیصل ، شارع قائدین ، پی پی چورنگی نیو ایم اے جناح روڈ ، یونیورسٹی روڈ ، نیو ٹاؤن یو ٹرن سے اسٹیڈیم روڈ سے درج بالا کالج گراؤنڈ پر اپنی گاڑی پارک کر سکیں گے۔

کارساز کے تحت شارع فیصل سے براستہ حبیب ابراہیم رحمت اللہ روڈ جانب سر شاہ سلیمان روڈ جانب اسٹیڈیم عام پبلک کو جانے کی اجازت نہیں ہوگی۔ کارساز ، ڈرگ روڈ شارع فیصل سے بائیں جانب راشد منہاس روڈ، ملینیم سے نیپا اور اسی طرح ائر پورٹ سے آنے والے حضرات ڈرگ روڈ سے دائیں جانب راشد منہاس روڈ، ملینیم اور نیپا راستہ اختیار کر سکتے ہیں ۔

ملینیم کے تحت   راشد منہاس روڈ سے اسٹیڈیم براستہ ڈالمیا روڈ عام پبلک کو جانے کی اجازت نہیں ہوگی۔ نیپا ، عسکری IV، ڈرگ روڈ سے شارع فیصل یا ملینیم ، نیپا سے صفورا یا گلشن چورنگی سے سہراب گوٹھ کا راستہ اختیار کر سکتے ہیں ۔

 حسن اسکوائر فلائی اوور کے تحت لیاقت آباد سے براستہ حسن سکوائر فلائی اوور نیشنل اسٹیڈیم روڈ عام پبلک کو جانے کی اجازت نہیں ہوگی۔تمام ٹریفک یونیورسٹی کا راستہ اختیار کر اپنی منزل کی جانب جا سکیں گی ۔

نیو ٹاؤن کے تحت  عوام  کو  یونیورسٹی روڈ سے نیو ٹاؤن ٹرننگ اسٹیڈیم روڈ  جانے کی اجازت نہیں ہوگی۔ جیل چورنگی سے شہید ملت یا پی پی چورنگی کا راستہ اختیار کر سکتے ہیں ۔

آغا خان ہسپتال اور لیاقت نیشنل ہسپتال اور اطراف کے رہائشی حضرات نیو ٹاؤن تھانہ کی طرف سے آسکیں گے۔ ٹریفک پولیس کا عملہ انکی مکمل رہنمائی اور تعاون کے لیے موجود ہوگا۔

بند روڈ کے اطراف کے رہائشیوں کو اپنا قومی شناختی کارڈ دکھانے کے بعد آگے جانے کی اجازت ہوگی۔ یونیورسٹی روڈ ، شہید ملت روڈ اور راشد منہاس روڈ ٹریفک کے لیے کھلے رہیں گے۔

ہیوی ٹریفک: سہراب گوٹھ سے جانب نیپا ، لیاقت آباد نمبر 10 سے جانب حسن اسکوائر ، پی پی چورنگی سے جانب یونیورسٹی روڈ، کارساز سے اسٹیڈیم اور  ملینیم تا نیو ٹاؤن ہر قسم کی ہیوی ٹریفک کا داخلہ ممنوع ہوگا۔

ٹریفک پولیس نے ہدایت کی ہے کہ عوام زحمت سے بچنے کےلئے قانون نافذ کرنے والے اداروں اور ٹریفک پولیس سے تعاون کریں۔ گاڑیاں سروس روڈ یا مین روڈ کی بجائے  دئیے گئے پارکنگ مقامات پر ہی پارک کریں۔