گوگل نیوز پر ہمیں فالو کریںمحکمہ موسمیات پاکستان کے مطابق کراچی میں آج سرد ترین دن متوقع ہے، ادارے نے شہر کے درجہ حرارت میں 3 ڈگری تک کمی کی پیشگوئی کی ہے۔
محکمہ موسمیات کے مطابق آئندہ 24 گھنٹوں کے دوران موسم خشک اور سرد رہے گا جبکہ شہر میں شمال مغرب سے ٹھنڈی ہوائیں چلتی رہیں گی۔
گزشتہ روز کراچی میں کم سے کم درجہ حرارت 9 ڈگری سینٹی گریڈ ریکارڈ کیا گیا تھا لیکن موجودہ پیشگوئی کے مطابق درجہ حرارت مزید کم ہو کر 10 ڈگری سینٹی گریڈ تک گرنے کا امکان ہے۔
مزید یہ کہ ہوا میں نمی کا تناسب بھی کم ہو کر 31 فیصد رہ گیا ہے۔ ہوائیں شمال مغرب سے 12 کلومیٹر فی گھنٹہ کی رفتار سے چل رہی ہیں۔ملک بھر میں موسم سرد رہے گا، خاص طور پر بلوچستان کے علاقوں کوئٹہ اور قلات میں کم سے کم درجہ حرارت 5 ڈگری سینٹی گریڈ ریکارڈ کیا گیا ہے۔
ہفتے کے آغاز میں کراچی نے سردی کی شدت محسوس کی، جب منگل کی رات جناح ٹرمینل پر درجہ حرارت 9 ڈگری سینٹی گریڈ تک گر گیا۔
محکمہ موسمیات کے مطابق، گلستانِ جوہر میں درجہ حرارت 10 ڈگری، جبکہ شاہراہ فیصل پر 12 ڈگری سینٹی گریڈ ریکارڈ کیا گیا۔ماڑی پور میں درجہ حرارت 12.5 ڈگری اور بن قاسم بندرگاہ پر 12.2 ڈگری سینٹی گریڈ ریکارڈ کیا گیا۔
