ڈرامہ سیریل سنگِ ماہ اختتام کے قریب، کبریٰ خان نے ویڈیو بیان جاری کردیا

پاکستانی شوبز انڈسٹری کی معروف اداکارہ کبریٰ خان نے ڈرامہ سیریل سنگِ ماہ کا اختتام قریب آنے پر ویڈیو بیان جاری کردیا ہے جو دیکھتے ہی دیکھتے سوشل میڈیا پر وائرل ہوگیا۔

فوٹو شیئرنگ پلیٹ فارم انسٹاگرام پر اپنے ویڈیو پیغام میں اداکارہ کبریٰ خان نے کہا کہ میں مداحوں کی شکر گزار ہوں کہ انہوں نے ہمارے ٹی وی سیریل سنگِ ماہ کو اور اس کے ہر کردار کو اتنا پیار دیا۔

  یہ بھی پڑھیں:

 ٹیلر سوئفٹ کو ہراساں کرنے پر ایک شخص گرفتار

 

View this post on Instagram

 

A post shared by humtvpakistan (@humtvpakistanofficial)

انسٹاگرام پیغام میں اداکارہ کبریٰ خان نے کہا کہ ناظرین نے ڈرامہ سیریل سنگِ ماہ کے کردار شہرزاد کو بہت پیار دیا جبکہ ہم اداکار خون پسینہ لگا کر اور جی جان سے کام کرتے ہیں۔

اداکارہ کبریٰ خان نے کہا کہ  جب مداحوں کی جانب سے ڈرامے کا اتنا خوبصورت ردِ عمل ملتا ہے تو دل خوش ہوجاتا ہے جس پر میں آپ سب کی شکر گزار ہوں جبکہ رواں ہفتے سنگِ ماہ ختم ہوجائے گا۔

کبریٰ خان نے کہا کہ اِس ہفتے ڈرامہ سیریل سنگِ ماہ کا سفر ختم ہونے کو آیا ہے جو ہمارے لیے بہت جذباتی مقام ہے۔ اِس ہفتے کی قسط بہت دھماکے دار ہوگی۔ اسے دیکھنا بالکل نہ بھولیے گا۔

سنگِ ماہ کی مقبولیت 

واضح رہے کہ ڈرامہ سیریل سنگِ ماہ کی کہانی، اداکاروں اور ان کے فن کو سوشل میڈیا پر بہت داد ملی۔ ڈرامے کی آخری سے پیشتر (سیکنڈ لاسٹ) قسط 6 روز قبل نشر ہوئی جسے 65لاکھ بار دیکھا گیا۔

یو ٹیوب پر ڈرامہ سیریل سنگِ ماہ کی 25ویں قسط 26جون کو نشر کی گئی جسے دیکھنے والے 93 ہزار افراد پسندیدگی کی سند سے نواز چکے ہیں جو ڈرامے کی مقبولیت کا ثبوت دینے کیلئے کافی ہے۔