لاہور کی عدالت نے ایف آئی اے کے سابق سربراہ بشیر میمن کو بری کر دیا

لاہور: سیشن عدالت نے وفاقی تحقیقاتی ادارے کے سابق سربراہ بشیر میمن کو عدالت میں پیش کی گئی تحقیقاتی رپورٹ کی بنیاد پر بری کردیا۔

بشیر میمن کے خلاف بیرون ملک مقیم مالیاتی جرائم میں مطلوب ملزم کو مبینہ طور پر سہولت فراہم کرنے اور اس شخص کے منی لانڈرنگ کے الزامات کی تحقیقات میں ناکامی پر کیس کی سماعت لاہور کے ایڈیشنل سیشن جج کے سامنے ہوئی اور ایف آئی اے نے اپنی رپورٹ بھی پیش کی۔

ایف آئی اے نے سابق چیف کو بری بھی کرتے ہوئے کہا کہ بشیر میمن تحقیقات میں بے گناہ پائے گئے اور وہ کسی کیس میں مطلوب نہیں تھے۔

عدالت نے ایف آئی اے کی رپورٹ دیکھ کر بشیر میمن کو بری کرنے کا فیصلہ کیا جس کے بعد سابق ڈائریکٹر جنرل نے عدالت سے اپنی عبوری ضمانت کی درخواست واپس لے لی۔

مزید پڑھیں:بشیر میمن نے وزیرِ اعظم پر لگائے گئے الزامات واپس لے لیے، وفاقی وزراء کا شدید ردِ عمل

اس سے قبل بشیر میمن نے کہا تھا کہ انہیں ایک مثال بنا کر اس وقت کی پی ٹی آئی حکومت چاہتی تھی کہ وہ تمام سرکاری اہلکاروں کو یہ پیغام بھیجیں کہ اگر  انہوں نے نافرمانی کی تو ان کوجیل بھیج دیا جائے گا اور ان کی پنشن روک دی جائے گی۔