پاکستان سپر لیگ7، لاہور قلندرز نے پشاور زلمی کو 29رنز سے شکست دے دی

ایچ بی ایل پاکستان سپر لیگ 7 کے نویں ٹی 20 کرکٹ میچ میں لاہور قلندرز نے پشاور زلمی کو دلچسپ مقابلے کے بعد 29 رنز سے شکست دے دی ہے۔ زلمی کی ٹیم 200 رنز کا ہدف پورا کرنے میں ناکام رہی۔

تفصیلات کے مطابق لاہور قلندرز نے پشاور زلمی کو جیتنے کیلئے 200 رنز کا ہدف دیا تھا جسے پورا کرنے کیلئے پشاور زلمی نے بیٹنگ کا آغاز کیا تو حضرت اللہ زازئی 3 گیندوں پر بغیر کوئی رن بنائے پویلین لوٹ گئے۔ کامران اکمل نے 24 گیندوں پر 41 رنز بنائے۔

یہ بھی پڑھیں:

پی ایس ایل 7، لاہور نے پشاور زلمی کو جیتنے کیلئے 200 رنز کا ہدف دے دیا

حسین طلعت 24 گیندوں پر صرف 15 رنز بنا سکے۔ حیدر علی نے 34 گیندیں کھیل کر 49 رنز بنائے۔ شعیب ملک 7 رنز بنا کر وکٹ گنوا بیٹھے۔ ردر فورڈ 21، بین کٹنگ 10 جبکہ وہاب ریاض کوئی رن بنائے بغیر پویلین لوٹ گئے۔ پشاور زلمی کی پوری ٹیم 170رنز پر ڈھیر ہوگئی۔ 

یاد رہے کہ اس سے قبل نیشنل اسٹیدیم میں ایچ بی ایل پی ایس ایل 7 کا نواں میچ کھیلا جارہا ہے، لاہور قلندرز نے پشاور زلمی کو ٹی 20 کرکٹ میچ جیتنے کیلئے 200 رنز کا ہدف دے دیا۔پشاور زلمی کی ٹیم نے ہدف کے تعاقب میں جلد ہی بیٹنگ کا آغاز کردیا۔ 

ابتدا میں پشاور زلمی کے کھلاڑی لاہور قلندرز کو مقررہ 20 اوورز میں مکمل طور پر آؤٹ نہ کرسکے، قلندرز نے 4 وکٹوں کے نقصان پر 199 رنز بنا لیے۔ اوپنرز فخر زمان اور عبداللہ شفیق نے 94 رنز کی پارٹنرشپ قائم کرکے بڑا اسکور کرنے میں اہم کردار ادا کیا۔