گوگل نیوز پر ہمیں فالو کریںلاہور ہائیکورٹ نے 70 مزید پی ٹی آئی اراکینِ قومی اسمبلی کو ڈی نوٹیفائی کرنے کا الیکشن کمیشن کا نوٹیفکیشن معطل کردیا ہے۔
تفصیلات کے مطابق لاہور ہائیکورٹ نے 70 اراکینِ اسمبلی کے استعفے منظور کرنے کے اقدام پر سماعت کے دوران پی ٹی آئی پنجاب کے ایم این ایز کو ڈی نوٹیفائی کرنے کی کارروائی مؤخر کردی۔
یونیورسٹی کے پرچے میں شرمناک مضمون لکھنے کا مطالبہ
سماعت کے دوران لاہور ہائیکورٹ نے آئندہ سماعت پر الیکشن کمیشن آف پاکستان سمیت فریقین سے جواب طلب کر لیا۔ عدالت نے ریمارکس دئیے کہ نوٹیفکیشن کی حد تک کیس کی سماعت 7مارچ کو ہوگی۔
ہائیکورٹ کے جج جسٹس شاہد کریم نے اسد عمر، پرویز خٹک، شاہ محمود قریشی اور فواد چوہدری سمیت 70 اراکینِ قومی اسمبلی کی درخواست کی سماعت کی۔ اسپیکر قومی اسمبلی، الیکشن کمیشن سمیت دیگر بھی مقدمے میں فریق بنے۔
عدالت کو جمع کرائی گئی درخواست میں پی ٹی آئی اراکین نے مؤقف اختیار کیا کہ اسپیکر نے استعفیٰ منظوری سے قبل ہمارا بیان نہیں لیا۔ الیکشن کمیشن نے بھی استعفیٰ منظوری کے بعد ممبران ڈی نوٹیفائی کردئیے۔
اراکین نے درخواست کی کہ ہائیکورٹ پی ٹی آئی اراکین کی استعفیٰ منظوری کے اقدام کو کالعدم قرار دیتے ہوئے الیکشن کمیشن کو متعلقہ حلقوں میں ضمنی انتخابات کے انعقاد سے روکے۔ ہائیکورٹ نے درخواست منظور کر لی۔
