مریم نواز کی صاحبزادی نے شادی کا جوڑا دوبارہ پہن کر عوام کو حیران کردیا

پاکستان مسلم لیگ (ن) کی نائب صدر اور سابق وزیر اعظم نواز شریف کی صاحبزادی مریم نواز کے بیٹے جنید صفدر کی شادی کی 7روزہ تقریبات آخر کار اختتام کو پہنچیں۔ اس دوران مختلف اخباری شہ سرخیوں نے شادی کی تقریب کو الگ الگ انداز سے بیان کرنے کی کوشش کی۔

اسی دوران مریم نواز کی صاحبزادی مہر النساء صفدر کے ملبوس نے عوام کی توجہ اپنی طرف مرکوز کر لی۔ شادی کی تقریب کے دوران صرف مریم نواز ہی نہیں بلکہ ان کی صاحبزادی مہر النساء صفدر بھی خوبصورت لباس زیب تن کرکے توجہ کا مرکز بن گئیں۔

یہ بھی پڑھیں:

منی لانڈرنگ کا مقدمہ درج، ایشوریا رائے تفتیش کیلئے طلب

سلمان خان کک2 کے ساتھ ساتھ بجرنگی بھائی جان 2 بنانے کیلئے بھی تیار

سوشل میڈیا صارفین کا کہنا ہے کہ مریم نواز کی صاحبزادی پر عوامی توجہ ایک مختلف سبب سے بھی پڑی کہ انہوں نے اپنی 2015 میں منعقدہ شادی کا جوڑا زیبِ تن کر رکھا تھا اور یہی وہ سادگی تھی جسے سوشل میڈیا پر خوب سراہا گیا۔

سوشل میڈیا صارفین کا کہنا تھا کہ مریم نواز  کو سیاسی سطح پر مختلف چیلنجز کا سامنا ہے، ان کے بیانات ہر گزرتے روز کے ساتھ میڈیا چینلز اور اخبارات کی زینت بنتے ہیں۔ شادی کی تقریبات میں ان کی بیٹی مہر النساء صفدر کی سادگی قابلِ تعریف نظر آئی۔