گوگل نیوز پر ہمیں فالو کریںپاکستان میں وزیر اعلیٰ پنجاب مریم نواز کے سرکاری اسکولوں میں بچوں کو باعزت طریقے سے لنچ فراہم کرنے کے اقدامات بھارت میں بھی سرخیوں میں ہیں جبکہ بھارتی سماجی و سیاسی رہنماؤں کی جانب سے اسے سراہا بھی جا رہا ہے۔
بھارتی سیاسی جماعت کانگریس کے حامی سماجی کارکن نے سوشل میڈیا پلیٹ فارم ایکس (سابق ٹوئٹر) پر پاکستان اور بھارت کے اسکول بچوں کے لنچ کے مناظر کی ویڈیوز شیئر کرتے ہوئے زبردست موازنہ کیا۔
تیجیسوی پرکاش نامی اس سماجی کارکن نے مدھیہ پردیش، بھارت کے اسکولوں میں بچوں کے لنچ کھانے کے مناظر کو پاکستان کے سرکاری اسکولوں کے بچوں کے ساتھ پیش کیا اور کہا کہ مودی حکومت کے دور میں بھارت کے بچے درمیانی کھانے (Mid-Day Meals) میں بھی پاکستان سے پیچھے ہیں۔
School kids eating their lunch in MP, India 🇮🇳 vs school kids eating their lunch in Pakistan 🇵🇰.
Shameful that under Modi’s government, we can’t even compete with Pakistan in something as basic as mid-day meals, yet we dream of competing with China. pic.twitter.com/F2pm7OKU4j
— Tejasswi Prakash (@Tiju0Prakash) November 7, 2025
انہوں نے کہا کہ بھارت بڑے بڑے دعوے کرتا ہے کہ وہ چین جیسے ممالک سے مقابلہ کر سکتا ہے لیکن حقیقت میں بنیادی ضروریات میں پیچھے ہے۔
یہ ویڈیوز اور تبصرے بھارتی صارفین میں شدید شرمندگی اور سوالات کو جنم دے رہے ہیں خاص طور پر بچوں کی بنیادی ضروریات کے معاملے پر۔
یاد رہے کہ وزیر اعلیٰ پنجاب مریم نواز کے اقدامات کے تحت تقریباً 10,000 سرکاری اسکولوں کے بچوں کو روزانہ پکا ہوا کھانا فراہم کیا جا رہا ہے۔ یہ کھانے ماہرینِ غذائیت کی نگرانی میں تیار کیے گئے ہیں اور بچوں کی بڑھتی عمر اور توانائی کی ضروریات کے مطابق ہیں۔
10000 government school kids have started getting cooked meals daily. The meals are designed by nutritionists keeping in mind needs of growing age. pic.twitter.com/xC4rjGJcIJ
— Maryam Nawaz Sharif (@MaryamNSharif) October 23, 2025
وزیراعلیٰ پنجاب مریم نواز کا کہنا تھا کہ پنجاب کے بچوں کیلئے ایسے سوچتی ہوں جیسے ایک ماں سوچتی ہے اور یہ بچے میرے لئے وی آئی پیز ہیں۔
