فواد چوہدری کا ٹوئٹر اکاؤنٹ ہیک، مولانا فضل الرحمان کے انتقال کی خبر شیئر

پاکستان تحریک انصاف کے رہنما فواد چوہدری کا ٹوئٹر اکاونٹ رات گئے ہیک ہوگیا۔

تفصیلات کے مطابق پی ٹی آئی رہنما فواد چوہدری نے اس خبر کی تصدیق خود کی ہے۔

My twitter account is hacked

— Ch Fawad Hussain (@fawadchaudhry) September 2, 2022

واضح رہے کہ ٹوئٹراکاونٹ ہیک ہونے کے بعدفواد چوہدری کے اکاؤنٹ سے جے یو آئی ف کے سربراہ مولانا فضل الرحمٰن کے انتقال کی خبر شیئر کی گئی تھی جس کے اسکرین شاٹس سوشل میڈیا پر تاحال وائرل ہیں، جبکہ پروفائل پکچر پر بھی مولانا کی تصویر لگا دی گئی تھی۔

تاہم ،اب سابق وفاقی وزیر کا ٹوئٹر اکاونٹ واپس بحال ہو گیا ہے۔ اس سے پہلے بھی شہباز گل سمیت کئی رہنماوں کے ٹوئٹر اکاونٹس ہیک ہو چکے ہیں۔