اداکارہ یاسرہ رضوی حاملہ ہونے سے متعلق خبریں سامنے آنے پر خفا

یاسرہ رضوی کاکہنا ہے،میرا حاملہ ہونا تو خبر بن گیا لیکن اہم اسکرپٹ نہیں،اداکارہ کی جانب سے حاملہ تصویر شیئر کرتے ہوئے ایک پوسٹ انسٹاگرام اسٹوری پر شیئر کی گئی ہے۔

یاسرہ رضوی نے اپنی پوسٹ میں لکھا کہ ہمارے ملک میں یہ خبر قابل قدر ہے کہ میں حاملہ ہوں لیکن یہ نہیں کہ میں ایک اہم اسکرپٹ بھی ڈائریکٹ کرنے جارہی ہوں۔

 

View this post on Instagram

 

A post shared by Yasra Rizvi (@yasrarizvi)

اداکارہ نے اپنی پوسٹ میں مزید لکھا کہ ہم پوری طرح سے شادی اور بچے پیدا کرنے کی صلاحیت سے متعلق دیوانے ہیں۔

یاسرہ رضوی کی جانب سے اپنی پوسٹ میں ورکنگ وویمن کا ہیش ٹیگ بھی استعمال کیا گیا۔

خیال رہے کہ اداکارہ نے حال ہی میں انسٹاگرام پر کچھ تصاویر شیئر کرتے ہوئے مداحوں کو اپنے حاملہ ہونے کی اطلاع دی تھی۔