گوگل نیوز پر ہمیں فالو کریںاسلام آباد اور راولپنڈی کے مکینوں کو انٹرنیٹ اور موبائل فون سروسز میں بڑے پیمانے پر مسائل کا سامنا ہے۔ متعدد صارفین نے بتایا کہ وہ آج صبح سے کالز اور ٹیکسٹ پیغامات بھیجنے یا موبائل ڈیٹا استعمال کرنے میں ناکام رہے ہیں جس کی وجہ سے وہ اپنے پیاروں سے روزمرہ رابطوں سے محروم ہو گئے ہیں۔
حکومت کی جانب سے کوئی باضابطہ بیان جاری نہیں کیا گیا تاہم خیال کیا جا رہا ہے کہ یہ رکاوٹیں یومِ آزادی کی تقریبات کے سلسلے میں سیکیورٹی اقدامات سے منسلک ہو سکتی ہیں۔
حکومت اکثر بڑے عوامی اجتماعات اہم شخصیات کے دوروں یا قومی تہواروں کے موقع پر موبائل اور انٹرنیٹ سروسز کو عارضی طور پر معطل کر دیتے ہیں تاکہ بدامنی کے خطرے کو کم کیا جا سکے اور عوامی نظم و ضبط برقرار رکھا جا سکے۔
ذرائع کے مطابق یہ احتیاطی اقدام سرکاری تقریبات اور اعلیٰ سطحی وفود کے مقامات کو محفوظ بنانے کے ساتھ ساتھ مواصلاتی پلیٹ فارمز کے غیر قانونی سرگرمیوں کے لیے غلط استعمال کو روکنے کے لیے اٹھایا گیا ہو گا۔
اسلام آباد کیپیٹل ٹیریٹری (آئی سی ٹی) انتظامیہ کی جانب سے کوئی سرکاری اعلان نہ ہونے کی وجہ سے شہریوں میں بے چینی اور غیر یقینی کی صورتحال ہے کہ یہ سروسز کب تک بحال ہوں گی۔
