یوٹیوب ایپ پر اب فلمیں اور ٹی وی شوز مفت میں دیکھے جاسکتے ہیں

یوٹیوب پر ڈرامے دیکھنے والوں کیلئے بڑی خوشخبری اب کوئی بھی باآسانی ایپ کی بدولت 4000 ٹی وی شوز اور 1500 فلمیں مفت میں دیکھ سکتا ہے جس میں مشہور فلمسازکمپنیوں کی تخلیقات بھی شامل ہیں۔

یوٹیوب کے اس اعلان کے ساتھ یہ بھی واضح کیا گیا ہے کہ تمام فلمیں اور پروگرامز بلا معاوضہ ہیں لیکن اشتہارات کے ساتھ ظاہر ہوں گے۔

خیال رہے کہ اس اعلان میں یوٹیوب نے یہ واضح کیا ہے کہ یوٹیوب پر موجود ویڈیوز کو سب پسند کرتے ہیں لیکن اب ان میں ہیلز کچن، اینڈرومیڈا اور ہارٹ لینڈ کے تیارکردہ پروگرام اور ٹی وی شوز موجود ہیں۔

یہ بھی پڑھیں:گوگل کا نیا فیچر متعارف، اب پرانی تصاویر کو ڈھونڈنا آسان

دوسری جانب پیرامآؤنٹ، ڈزنی اور وارنر برادرز وغیرہ کی 1500 فلمیں بھی دیکھی جاسکتی ہیں تاہم یہ سہولت صرف امریکی صارفین کو حاصل ہے۔

مزید برآں یوٹیوب کی جانب سے ابھی تک یہ نہیں بتایا گیا کہ دنیاکے دیگر ممالک میں بھی یہ سہولت فراہم کی جائیں گی یا نہیں۔ صرف دسمبر میں تیرہ کروڑ سے زائد افراد نے اپنے ٹی وی پر یوٹیوب کی ویڈیوز اور کانٹیکٹ دیکھا تھا۔ یہی وجہ ہے یوٹیوب ٹی وی ایک بہت بڑا پلیٹ فارم بن چکا ہے۔