گوگل نیوز پر ہمیں فالو کریںاسلام آباد: ممتاز عالمِ دین مفتی تقی عثمانی نے عالمی یومِ خواتین کے موقعے پر 8 مارچ کو گھروں سے مارچ کیلئے نکلنے والی خواتین کیلئے پیغام جاری کیا ہے۔
سماجی رابطے کی ویب سائٹ ٹوئٹر پر اپنے پیغام میں مفتی تقی عثمانی نے کہا کہ وہ بہنیں اور بیٹیاں جو 8 مارچ کو مارچ کا ارادہ رکھتی ہیں، ان کے سر پر اللہ تعالیٰ نے حیا کا تاج رکھا ہے۔
اپنے پیغام میں مفتی تقی عثمانی نے کہا کہ اللہ تعالیٰ نے خواتین کے گلے میں عفت اور وفا کے ہار ڈالے ہیں۔ خواتین کس کے کہنے پر انہیں سڑکوں پر روندنے کے لیے نکلنا چاہتی ہیں؟
مفتی تقی عثمانی نے کہا کہ خدا کے لیے ذرا سوچیں کہ آپ چاہے کتنی ہی آزاد کیوں نہ ہوجائیں، مارچ کے لیے گھروں سے نکل کر کسی غیر ملکی کی غلام رہیں گی۔
میری وہ بہنو اور بیٹیو جو ۸ مارچ کو مارچ کا ارادہ رکھتی ہو!اللہ تعالی نے آپ کے سرپر حیا کا تاج رکھا ہے اور گلے میں عفت اور وفا کے ہار ڈالے ہیں آپ کس کے کہنے پر انہیں سڑکوں پر روند نے کے لئے نکلنا چاہتی ہیں خدا کے لئے ذرا سوچیں آپ کتنی آزاد ہو جائیں کسی بدیسی کی غلام رہینگی
— Muhammad Taqi Usmani (Official) (@muftitaqiusmani) February 22, 2020
