محمد رضوان کی بوتل سے وضو کرنے کی ویڈیو سوشل میڈیا پر وائرل

لاہور: پاکستان کرکٹ ٹیم کے مایہ ناز کھلاڑی محمد رضوان کی بوتل سے وضو کرنے کی ویڈیو سوشل میڈیا پر وائرل ہوگئی۔

فوٹو اینڈ ویڈیو شیئرنگ ایپ انسٹاگرام پر محمد رضوان کی ایک ویڈیو وائرل ہورہی ہے، جس میں وہ میچ کے دوران نماز کے وقت وضو کرنے کیلئے بوتل کا استعمال کررہے ہیں۔

 

View this post on Instagram

 

A post shared by Entertainment Popcorn (@entertainment_popcorn)

خیال رہے کہ قومی ٹیم کے کھلاڑی کی مذکورہ ویڈیو سوشل میڈیا پر بہت زیادہ وائرل ہورہی ہے اور سوشل میڈیا صارفین کی اکثریت محمد رضوان کے اس عمل کی تعریف کررہی ہے۔

دوسری جانب پاکستان سُپر لیگ کی فرنچائز ملتان سلطانز کے کھلاڑی آصف آفریدی کی بیٹی کی حالت تشویشناک ہے۔

سماجی رابطے کی ویب سائٹ ٹوئٹر پر ملتان سلطانز کے کھلاڑی نے بیٹی کی تصویر شیئر کرتے ہوئے کہا کہ میری بیٹی کی صحت یابی کیلئے سب دُعائیں کریں۔