گوگل نیوز پر ہمیں فالو کریںملتان میں محبت نے قربانی پر سبقت لے لی، جب ایک نوجوان نے اپنی بیوی کی جان بچانے کے لیے اپنا جگر عطیہ کر دیا۔
شبیراحمد نامی نوجوان نے اپنی اہلیہ شنزہ کی زندگی بچانے کے لیے اپنے جگر کا ساٹھ فیصد حصہ عطیہ کر دیا۔
شبیراحمد کا کہنا تھا کہ اس کے والدین نے اسے اس فیصلے سے باز رہنے کا مشورہ دیا مگر اس نے اسپتال جاتے ہوئے موبائل بند کر دیا تاکہ کسی کا دباؤ اس کے جذبے کو کمزور نہ کرے۔
جیسے ہی کامیاب آپریشن مکمل ہوا، شبیراحمد نے اپنے والدین سے رابطہ کیا تو وہ خوشی سے جھوم اٹھے اور کہا کہ انہیں اپنے بیٹے پر فخر ہے۔
اب شبیراحمد اور شنزہ ایک خوش و خرم اور محبت بھری زندگی گزار رہے ہیں۔ یہ واقعہ اس بات کی روشن مثال ہے کہ سچی محبت میں ایثار اور قربانی کی طاقت کیسے زندگیوں کو بچا سکتی ہے۔
