میری بیٹیاں میری زندگی میں اللہ کا سب سے قیمتی تحفہ ہیں، شاہد آفریدی

کراچی: پاکستان کے مایہ ناز بلے باز سپر اسٹار شاہد آفریدی کی اپنی بیٹیوں سے محبت کسی سے ڈھکی چھپی نہیں، اکثر اوقات اپنی بیٹیوں کے ساتھ تصویر سوشل میڈیا پر شیئر کرتے رہتے ہیں۔

شاہد آفریدی نے اپنے سوشل میڈیا اکاؤنٹ ٹوئیٹر پر خوشی کا اظہار کرتے ہوئے کہا کہ میری بیٹیاں میری زندگی میں اللہ کا سب سے قیمتی تحفہ ہیں، انہوں نے کہا کہ میں اللہ کا جتنا شکر ادا کروں وہ کم ہے۔

https://twitter.com/SAfridiOfficial/status/1324688387173830656

شاہد آفریدی کا کہنا تھا کہ مجھے اپنی دوسری بیٹیوں کے ساتھ خاص طور پر جب وہ بڑی ہو رہی تھیں، ان کے ساتھ زیادہ وقت گزارنے کا موقع نہیں ملا، انہوں نے کہا کہ مجھے خوشی ہوگی کہ اب میرے پاس عروہ کو بڑھتے ہوئے دیکھنے کا وقت آگیا ہے۔

شاہد آفریدی نے مزید کہا کہ اللہ پاک اسے سلامت رکھے اور اس کے ساتھ ساتھ دوسرے بچوں کی حفاظت کرے۔شاہد آفریدی نے اپنی چھوٹی بیٹی کے ساتھ خوبصورت تصویر بھی شیئر کی، جسے مداحوں کی جانب سے بے حد پسند کیا جارہا ہے۔