عید میلاد النبی ؐ کے موقع پر قومی ایئر لائن کا خصوصی رعایت دینے کا اعلان

کراچی:قومی ایئرلائن (پی آئی اے)نے عید میلاد النبی ؐ کے موقع پر ٹکٹوں پر خصوصی رعایت دینے کا اعلان کردیا۔

ذرائع کے مطابق عید میلاد النبی ؐ کے موقع پر پی آئی اے نے اندرون ملک پروازوں پر 12 فیصد رعایت دینے کا اعلان کردیا۔جس کے باعث مسافروں میں خوشی کی لہر دوڑ گئی ہے۔

پی آئی اے حکام کا کہنا ہے کہ جمعرات سے سے 12 ربیع الاول تک اندرون ملک سفر کرنے والے مسافر استفادہ کرسکیں گے۔واضح رہے کہ ملک بھر میں عید میلاد النبی ؐ 19 اکتوبر بروز منگل کو مذہبی عقیدت و احترام سے منائی جائے گی۔

دوسری جانب پاکستان انٹرنیشنل ایئرلائنز (پی آئی اے) نے جمعرات سے افغانستان کے دارالحکومت کابل کے لیے پروازوں کو فوری طور پر معطل کردیا۔

ترجمان پی آئی اے عبد اللہ خان نے کہا ہے کہ پی آئی اے نے ”مشکل حالات” میں کابل کے اندر اور باہر پروازیں جاری رکھی تھیں جب دیگر تمام ایئرلائنز نے اپنا آپریشن بند کر دیا تھا۔

پی آئی اے کے ترجمان نے مزید کہا کہ کابل سے نکالے گئے لوگوں میں اقوام متحدہ، ورلڈ بینک، آئی ایم ایف، دیگر عالمی اداروں کے ساتھ ساتھ بین الاقوامی صحافی بھی شامل تھے۔

مزید پڑھیں: سیکورٹی وجوہات کے باعث پی آئی اے نے کابل آپریشن معطل کردیا

طالبان حکام کی جانب سے بڑے پیمانے پر مداخلت، بشمول صوابدیدی قوانین میں تبدیلی اور عملے کو دھمکایا گیا۔ ترجمان نے کہا کہ کابل آپریشن کو سیکورٹی وجوہات کی بنا پر فوری پر معطل کررہے ہیں۔

واضح رہے کہ بیشتر بین الاقوامی ایئرلائنز تاحال اب تک بھی افغانستان کے لیے فلائٹ آپریشن نہیں کر رہیں۔ پی آئی اے افغانستان کی بدلتی ہوئی صورتحال کے پیش نظر 3000سے زائد افراد کا انخلاء کیا۔