گوگل نیوز پر ہمیں فالو کریںپاکستانی اداکارہ و ماڈل نوین وقار کا کہنا ہے کہ وہ اپنی ذاتی زندگی کے بارے میں بات کرکے اسپاٹ لائٹ میں نہیں آنا چاہتیں۔ لوگوں کا منہ بند نہیں کرسکتے اس لیے اپنا منہ بند رکھنا چاہیے۔
اداکارہ نوین وقار نے ایک پوڈ کاسٹ میں شرکت کی جہاں انہوں نے اپنے کیرئیر سمیت انڈسٹری کے حوالے سے بات کی۔
ایک سوال کے جواب میں اداکارہ نے کہا کہ میں کبھی بھی اپنی ذاتی زندگی کو سوشل میڈیا پر نہیں لانا چاہتی۔
اداکارہ کا کہنا تھاکہ بہت سے لوگ اپنی ذاتی زندگی کو سوشل میڈیا پر شیئر کرکے اسپاٹ لائٹ میں آتے ہیں لیکن میں اس قسم کی اسپاٹ لائٹ نہیں چاہتی، میں چاہتی ہوں اگر اسپاٹ لائٹ میرے اوپر آئے تو میرے کام کی وجہ سے آئے۔
انہوں نے کہا کہ ہم لوگوں کا منہ بند نہیں کرسکتے اس لیے اپنا منہ بند رکھنا چاہیے۔میں نے زندگی میں اپنے والدین سے یہ ہی سیکھا ہے کہ اپنے گھر کی بات گھر تک رکھو کیونکہ جب بات گھر سے باہر جائے گی تو وہ تبدیل ہوجائے گی جتنے لوگ بات کریں گے اتنی بات بڑھتی جائے گی۔
