گوگل نیوز پر ہمیں فالو کریںلندن: پاکستان مسلم لیگ ن کے قائد نواز شریف کے خاندانی کا کہنا ہے کہ ممکنہ طور پر نواز شریف 15 اکتوبر کو وطن واپس پہنچ جائیں گے۔ یہ بات ایک نجی ٹی وی چینل نے جمعے کو ذرائع کے حوالے سے بتائی۔
ذرائع کا کہنا ہے کہ لندن میں نواز، شہباز شریف اور خاندان کے قریبی افراد کے درمیان نواز شریف کی واپسی کے حوالے سے تبادلہ خیال کیا گیا تاکہ اس حوالے سے فیصلہ کیا جاسکے۔
اس سے قبل، یہ اطلاع تھی کہ نواز شریف ستمبر کے وسط تک پاکستان واپس پہنچ جائیں گے، تاہم، الیکشن کمیشن آف پاکستان (ECP) کی جانب سے 90 دنوں کے اندر انتخابات ممکن نہ ہونے کے اعلان کے بعد گزشتہ چند دنوں میں پلان میں تبدیلی آئی ہے۔
ذرائع کا کہنا ہے کہ نواز شریف کی وطن واپسی میں اکتوبر کے وسط تک تاخیر ہوئی ہے، یہ تاخیر الیکشن کمیشن کے اعلان کی وجہ سے نہیں بلکہ پارٹی کے وفاداروں کے مشورے پر کی گئی ہے۔
مزید پڑھیں:ڈالر کی قیمت بڑھنے کی بڑی وجہ ملک سے ڈالرز کی اسمگلنگ بھی ہے، نگران وزیر خزانہ
اکتوبر کے وسط میں واپسی کا فیصلہ شہباز شریف کی لندن میں نواز شریف سے دو ملاقاتوں کے بعد کیا گیا۔ شہباز شریف گزشتہ اتوار کو نگراں وزیر اعظم انوار الحق کاکڑ کو باگ ڈور سونپنے کے بعد لندن پہنچے تھے۔
