کرکٹ بورڈ کا صنفی مساوات کا سبق، مینز اور ویمنز کرکٹ ٹیموں کیلئے یکساں معاوضے مقرر

نیوزی لینڈ کرکٹ بورڈ نے مینز او ویمنز کرکٹ ٹیموں کے لیے یکساں معاوضے مقرر کرنے کا اعلان کردیا۔

رپورٹ کے مطابق نیوزی لینڈ کرکٹ بورڈ نے صنفی مساوات کو مد نظر رکھتے ہوئے مینز اور ویمنز دونوں ٹیموں کے کھلاڑیوں کے لیے برابر میچ فیس اور بقیہ سہولیات فراہم کرنے کا اعلان کردیا ہے۔

Landmark day for all levels of cricket in New Zealand ???? #CricketNationhttps://t.co/WCSjTAl9Q8

— BLACKCAPS (@BLACKCAPS) July 4, 2022

بورڈ کے فیصلے کے بعد اب ویمنز کرکٹرز مردوں کی ٹیم کی طرح ٹیسٹ میچ کھیلنے کے 10 ہزار 250 نیوزی لینڈ ڈالر، ون ڈے میچ کے 4 ہزار ڈالر جبکہ ٹی20 کے 2 ہزار 500 ڈالر کماسکیں گی۔

کنٹریکٹ سے قبل  ایک ویمن کرکٹر 83 ہزار 432 ڈالر کمار رہی تھی جبکہ اب کنٹریکٹ کے بعد ایک ویمن کرکٹر سالانہ ایک لاکھ 63 ہزار 246 ڈالر کما سکیں گی۔

دوسری جانب کیوی کپتان سوفی ڈیوائن کا کہنا ہے کہ یہ فیصلہ انٹرنیشنل اور ڈومیسٹک کھیلنے والی کھلاڑیوں کیلئے اچھا اقدام ہے، یہ منصوبہ نوجوان لڑکیوں کی توجہ حاصل کرے گا۔