گوگل نیوز پر ہمیں فالو کریںپاکستانی شوبز انڈسٹری کی معروف اداکارہ نمرہ خان نے اپنی دوسری شادی کا اعلان کردیا۔ اداکارہ نے فوٹو اور ویڈیو شیئرنگ پلیٹ فارم انسٹاگرام کے ذریعے خوبصورت تصاویر بھی شیئر کیں جن میں ان کے شریک حیات کی تصویر بھی شامل ہے، جس کے بعد مداحوں سمیت شوبز سے وابستہ شخصیات کی جانب سے مبارکبادوں کا سلسلہ شروع ہو گیا۔
اداکارہ کی جانب سے شیئر کی گئی تصویر میں وہ اپنے شریکِ حیات کے ہمراہ نظر آئیں، تاہم انہوں نے اپنے شوہر کی شناخت ظاہر نہیں کی اور ان کا چہرہ چھپائے رکھا۔ تصویر کے ساتھ نمرہ خان نے ایک جذباتی کیپشن بھی تحریر کیا، جس میں انہوں نے اس بات کا اظہار کیا کہ یہ رشتہ اللہ تعالیٰ کی طرف سے پہلے ہی مقدر میں لکھا جا چکا تھا، اور آج اس سفر کا باقاعدہ آغاز اب ہوا ہے، جس میں آگے مزید مراحل شامل ہوں گے۔
View this post on Instagram
اس کے علاوہ نمرہ خان نے فرانس کے دارالحکومت پیرس میں ایفل ٹاور کے سامنے لی گئی ایک تصویر بھی مداحوں کے ساتھ شیئر کی، جس کے کیپشن میں انہوں نے لکھا کہ اللہ نے ان کی کہانی کو ان کی ملاقات سے بھی پہلے ترتیب دے دیا تھا، اور اب وہ اس کہانی کو حقیقت میں جینا شروع کر چکی ہیں۔
واضح رہے کہ نمرہ خان پاکستان کی ڈرامہ انڈسٹری کی مشہورومعروف اداکارہ ہیں، جو “اے مشتِ خاک”، “احرامِ جنون”، “اُڑان”، “خوب سیرت”، “باغی” اور “امِ عائشہ” جیسے کامیاب ڈراموں میں اپنی اداکاری کی صلاحیتوں کا مظاہرہ کر چکی ہیں۔
