گوگل نیوز پر ہمیں فالو کریںسرگودھا: سابق وزیراعظم اور پاکستان تحریک انصاف کے چیئرمین عمران خان نے کہا ہے کہ پاکستان کو اقتدار میں ایسے لٹیرے ملے ہیں جن کے ہوتے ہوئے کسی اور دشمن کی ضرورت نہیں۔
پاکستان تحریک انصاف کے سربراہ اور سابق وزیر اعظم عمران خان سرگودھا یونیورسٹی میں ایک تقریب سے خطاب کر رہے تھے۔
پی ٹی آئی کے سربراہ نے کہا کہ ”اگر یہ لٹیرے یہاں مزید حکومت کرتے ہیں تو ہمارے ملک کو کسی اور دشمن کی ضرورت نہیں ہے“ پی ٹی آئی کے سربراہ نے کہا ”اپنے پورے کرکٹ کیریئر میں وہ آخری گیند تک لڑتے رہے۔ پی ڈی ایم لیڈروں کو معلوم ہونا چاہیے کہ ‘کپتان’ ان سے آخر تک لڑیں گے۔
سابق وزیراعظم نے کہا کہ گورنر پنجاب نے یونیورسٹی میں تقریر روکنے کا حکم جاری کیا تھا۔انہوں نے سوال کیا کہ ”اگر سیاسی رہنماؤں کو طلبہ سے خطاب کرنے کی اجازت نہیں ہے تو پھر وہ سیاسی طور پر کیسے تیار ہوں گے؟“۔
پی ٹی آئی چیئرمین نے کہا کہ انہیں تیسری بار آکسفورڈ یونیورسٹی کے طلباء سے بات کرنے کی دعوت دی گئی ہے۔ انہوں نے اعلان کیا کہ بلاول بھٹو سمیت تمام سیاسی شخصیات طلباء سے خطاب کریں۔
انہوں نے اپنی بات جاری رکھتے ہوئے کہا کہ یہ کرپٹ سیاستدان ان کا نام سنتے ہی کانپ جاتے ہیں۔
عمران خان نے مزید کہا کہ ریمنڈ بیکر جیسے پروفیسرز نے آصف علی زرداری اور نواز شریف کی کرپشن کے حوالے سے کتابیں تصنیف کیں، لیکن نیب ان کے خلاف مقدمات بند کر رہا ہے۔ انہوں نے کہا، ”یہ ان گھٹیا لوگوں کے خلاف جہاد ہے، محض سیاسی جنگ نہیں۔“
مزید پڑھیں:الیکشن کمیشن نے توشہ خانہ ریفرنس کا فیصلہ کل سنانے کا اعلان کردیا
انہوں نے اپنی بات کو جاری رکھتے ہوئے کہا کہ ڈاکوؤں کے اس نظام کو برداشت کرنے سے بہتر مرناہے۔
