گوگل نیوز پر ہمیں فالو کریںڈیرہ اسماعیل خان میں دہشت گردی اور شہادتوں پر افغان ناظم الامور کو دفترِ خارجہ طلب کر لیاگیا۔ پاکستان نے افغانستان سے شدید احتجاج کیا ہے۔
تفصیلات کے مطابق سیکریٹری خارجہ نے افغان طالبان حکومت کے ناظم الامور کو دفترِ خارجہ طلب کرکے گزشتہ روز کی ڈیرہ اسماعیل خان دہشت گردی پر شدید احتجاج کیا۔ ترجمان دفترِ خارجہ کا کہنا ہے کہ تحریکِ جہاد پاکستان نے حملے کی ذمہ داری قبول کی۔
[visual-link-preview encoded=”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”]
گزشتہ روز دہشت گردوں نے ڈیرہ اسماعیل خان کے علاقے درابن کو نشانہ بنایا تھا جہاں خودکش حملہ کرتے ہوئے سکیورٹی فورسز کی عمارت گرا دی گئی۔ دفترِ خارجہ کا کہنا ہے کہ تحریکِ جہاد پاکستان کا تعلق کالعدم ٹی ٹی پی سے ہے۔
احتجاج کے دوران ترجمان دفترِ خارجہ نے کہا کہ دہشت گردوں نے 23 سکیورٹی اہلکاروں کو شہید اور متعدد کو زخمی کردیا۔ ہمارا احتجاج افغان عبوری حکومت کو فوری پہنچائیں اور دہشت گردی کے مجرموں کے خلاف فوری سخت کارروائی کریں۔
ترجمان دفترِ خارجہ نے مطالبہ کیا کہ افغان طالبان حکومت کھلے عام دہشت گردی کے واقعے کی مذمت کرے۔ دہشت گرد گروہوں کی قیادت اور پناہ گاہوں کے خلاف فوری کارروائی کی جائے اور افغان سرزمین پاکستان کے خلاف استعمال ہونے سے روکا جائے۔
