گوگل نیوز پر ہمیں فالو کریںاسلام آباد: ملک بھر میں کورونا کے 50نئے کیسز رپورٹ ہوئے ہیں، گزشتہ 24 گھنٹوں کے دوران وائرس کے باعث کسی شہری کی ہلاکت کی اطلاع نہیں ملی تاہم 50 مریضوں کی حالت تشویشناک ہے۔
قومی ادارۂ صحت کے جاری کردہ اعدادوشمار کے مطابق ملک بھر میں مجموعی طور پر 15 لاکھ 30 ہزار 878افراد کورونا سے متاثر جبکہ 30 ہزار 379 وائرس کے باعث جاں بحق ہوئے۔ شرحِ اموات 2 فیصد پر برقرار ہے۔
کورونا مثبت، جرمن وزیر خارجہ نے دورہ پاکستان مختصر کر دیا
پاکستان میں بھی منکی پاکس کا خطرہ، ہائی الرٹ جاری
گزشتہ 1 روز میں کورونا کی تشخیص کیلئے 13ہزار 493ٹیسٹ کیے گئے جبکہ مثبت کیسز کا تناسب 0.47 فیصد رہا۔ ٹیسٹس کی تعداد 2 کروڑ 87 لاکھ 2ہزار 941ہو گئی جبکہ کورونا کے 50مریض انتہائی نگہداشت میں ہیں۔
COVID-19 Statistics 08 June 2022
Total Tests in Last 24 Hours: 13,493
Positive Cases: 64
Positivity %: 0.47%
Deaths: 00
Patients on Critical Care: 50— NIH Pakistan (@NIH_Pakistan) June 8, 2022
یاد رہے کہ اس سے قبل پاکستان کے دورے پر موجود جرمن وزیر خارجہ کا کورونا وائرس ٹیسٹ مثبت آگیا۔ غیر ملکی خبر رساں ایجنسی کے مطابق کورونا مثبت آنے کے بعد خاتون جرمن وزیر خارجہ اینالینا بیئربوک نے اپنا دورہ مختصر کردیا۔
گزشتہ روز کورونا ٹیسٹ کانتیجہ مثبت آجانے کے بعد جرمن وزیر خارجہ نے پاکستان میں اپنی بقیہ مصروفیات منسوخ کردیں۔ ذرائع کے مطابق جرمن وزیر خارجہ کو پاکستان کے بعد یونان اور ترکی بھی جانا تھا۔
