پاکستانی فلم پرواز ہے جنون دُنیا کی سب سے بڑی فلمی مارکیٹ میں ریلیز ہوگی

اسلام آباد: پاکستانی فلم پرواز ہے جنون دُنیا کی سب سے بڑی فلمی مارکیٹ چین میں آئندہ ماہ ریلیز ہوگی۔ 

تفصیلات کے مطابق عالمی سطح پر پاکستانی سینما کی نمائندگی کرنے والی فلم پرواز ہے جنون پاک فضائیہ کے عزم و حوصلے کی ولولہ انگیز داستان ہے جس میں فلم اسٹار حمزہ علی عباسی، ہانیہ عامر اور احد رضا میر شامل ہیں۔

واضح رہے کہ گزشتہ 30 برس سے زائد عرصے میں کوئی بھی پاکستانی فلم اتنا مقام پیدا نہ کرسکی کہ اسے چین جیسی عالمی مارکیٹ میں ریلیز کیا جاسکتا جس کے بعد پرواز ہے جنون نے یہ خلاء پُر کیا ہے۔

پاک فضائیہ کے جوانوں کے جوشِ جنون اور شوقِ شہادت کو خراجِ تحسین پیش کرتی ہوئی فلم پرواز ہے جنون جلد چینی سینما گھروں کی زینت بنے گی۔

  یہ بھی پڑھیں: سنجے دت کینسر کے موذی مرض کو شکست دینے میں کامیاب