نیو ائیر نائٹ، اسلام آباد کے شہریوں کی ڈبل سواری پر پابندی عائد

وفاقی دارالحکومت اسلام آباد میں نیو ائیر نائٹ کے موقعے پر شہری انتظامیہ نے ڈبل سواری پر پابندی عائد کردی۔ پولیس کا کہنا ہے کہ منچلے موٹر سائیکلز پر کرتب دکھاتے ہیں۔

تفصیلات کے مطابق شہرِ اقتدار کی انتظامیہ نے نئے سال کی آمد کے موقعے پر 31 دسمبر 2021 اور یکم جنوری 2022 کی درمیانی شب ڈبل سواری پر مکمل پابندی عائد کردی ہے۔ ضلعی انتظامیہ کا کہنا ہے کہ نیو ائیر نائٹ پر منچلے شہریوں کو بغیر سائلنسر موٹر سائیکلز چلا کر پریشان اور کرتب دکھا کر تنگ کرتے ہیں۔

یہ بھی پڑھیں:

پنجاب حکومت نےنیوائیرنائٹ پرمنچلوں کووارننگ دےدی

ملک بھر میں 2021 میں دہشت گردی کے واقعات 56فیصد بڑھ گئے۔پکس رپورٹ

شہری انتظامیہ کے مطابق موٹر سائیکل سوار نوجوان خطرناک ڈرائیونگ کے باعث شہریوں کی جان و مال کیلئے خطرہ بن سکتے ہیں۔ ایس ایس پی ٹریفک اسلام آباد نے کہا کہ ڈبل سواری پر عائد کی گئی پابندی آج رات 9 بجے سے 2 بجے تک نافذ رہے گی۔ خلاف ورزی کرنے والوں کے خلاف سخت قانونی کارروائی کریں گے۔ 

یاد رہے کہ اس سے قبل پنجاب حکومت نے بھی من چلوں کو وارننگ دے دی۔ ترجمان پنجاب حکومت حسان خاور نے کہاہے کہ نیوائرنائٹ پر ہلڑ بازی، آتش بازی اورون ویلنگ کرکے عوام کی زندگی خطروں میں نہ ڈالی جائےکیونکہ اگرایساکیا گیا توقانون بھی اپناراستہ اختیارکرےگا۔خلاف ورزی پر قانونی کارروائی ہوگی۔ 

انہوں نے کہا کہ اسلحے کا استعمال اور ہوائی فائرنگ کرنا غیر قانونی اقدام ہے اس لیے نئے سال پر اپنے شہر اور ماحول کو محفوظ بنانا ہے اور شہری غیر قانونی سرگرمیوں میں بالکل ملوث نہ ہوں۔ لاؤڈ سپیکر ایکٹ کی خلاف ورزی، منشیات کا استعمال اورسائلنسر نکالنا غیر قانونی اقدام ہے۔ معاشرے کو محفوظ بنائیں گے۔