گوگل نیوز پر ہمیں فالو کریںوزیر اعظم شہباز شریف نے مسلم لیگ (ن) کے تاحیات قائد نواز شریف سے مشاورت کیلئے اپنے لندن قیام میں 1 دن کی توسیع کردی ہے۔
تفصیلات کے مطابق وزیر اعظم شہباز شریف نے اپنے لندن قیام کا دورانیہ 1 روز بڑھا دیا۔ وزیرِ اطلاعات و نشریات مریم اورنگزیب نے وزیر اعظم کے فیصلے کی تصدیق کردی ہے۔
عمران خان سر سے پاؤں تک جھوٹا شخص ہے، وزیر اعظم
سماجی رابطے کی ویب سائٹ ٹوئٹر پر اپنے پیغام میں وفاقی وزیرِ اطلاعات و نشریات مریم اورنگزیب نے کہا کہ وزیر اعظم شہباز شریف نے قائد نواز شریف کی ہدایت پر یہ اقدام اٹھایا۔
ٹوئٹر پیغام میں وزیرِ اطلاعات مریم اورنگزیب نے کہا کہ نواز شریف کی ہدایت پر وزیر اعظم نے اہم سیاسی و قومی امور پر مشاورت کیلئے لندن میں اپنے قیام میں ایک دن کا اضافہ کردیا ہے۔
پیغام میں مریم اورنگزیب نے کہا کہ وزیر اعظم شہباز شریف اب بدھ کو وطن واپس روانہ ہوں گے۔ وزیر اعظم برطانیہ کے کنگ چارلس سوئم کی رسمِ تاج پوشی کیلئے برطانیہ پہنچے تھے۔
وزیراعظم محمد شہباز شریف نے قائد محمد نواز شریف کی ہدایت پر اہم سیاسی و قومی امور پرمشاورت کے لئے لندن میں اپنے قیام میں ایک دن کا اضافہ کردیا ہے۔ وزیراعظم اب بدھ کو وطن واپس روانہ ہوں گے۔ وزیراعظم شہباز شریف برطانیہ کے کنگ چارلس سوئم کی رسم تاج پوشی کے لئے برطانیہ آئے تھے۔
— Marriyum Aurangzeb (@Marriyum_A) May 9, 2023
خیال رہے کہ اس سے قبل وزیر اعظم شہباز شریف نے کہا کہ عمران خان سر سے پاؤں تک جھوٹا اور مکارآدمی ہے، عمران خان کا جھوٹ قوم کے سامنے آرہا ہے۔
لندن میں 2 روز قبل میڈیا سے گفتگو کرتے ہوئے وزیراعظم شہبازشریف نے کہا کہ عمران خان محسن کش آدمی ہے، ضرور اللہ تعالیٰ کی پکڑ ہوگی، پی ٹی آئی حکومت کا میرے خلاف بنایا گیا بیانیہ جھوٹ پر مبنی تھا۔
