وزیراعظم کی ارطغرل کے بعد ایک اور ترک ڈرامہ پی ٹی وی پر نشر کرنے کی تجویز

اسلام آباد: وزیراعظم عمران خان کی جانب سے ترکی کے مشہور ڈرامے ارطغرل کے بعد ایک اور ترکش ڈرامہ کو پی ٹی وی پر دکھانے کی سفارش کی گئی ہے۔

وزیراعظم عمران خان کا سماجی رابطے کی ویب سائٹ ٹویٹر پر کہنا تھا کہ صوفی ازم میں دلچسپی لینے والوں کیلئے میری پرزور تجویز ہے کہ وہ سلسلہ وار ڈرامہ ”یونس ایمرے” کوضرور دیکھیں جسے پی ٹی وی پر نشر کیا جائے گا۔

I strongly recommend the serial Yunus Emre being shown on PTV for all those who are interested in Sufism (Marayfat).

— Imran Khan (@ImranKhanPTI) December 1, 2020

یاد رہے کہ رواں برس وزیر اعظم کی فرمائش پر 25 اپریل کو پی ٹی وی پر اردو ترجمے کے ساتھ پیش کئے جانے والے ترکش ڈرامے ارطغرل غازی نے پاکستان میں اپنی کامیابی کا لوہا منوایا۔

ارطغرل غازی کے دوسرے سیزن میں بھی تقریبا پہلے سیزن جتنی قسطیں ہیں اور 22 نومبر تک اس کی 75 قسطیں جاری کی جا چکی تھیں۔دوسرا سیزن بھی پاکستان میں بے پناہ مقبول ہوا ہے۔

واضح رہے کہ اب ارطغرل غازی کا تیسرا سیزن پی ٹی وی پر نشر کیا جائے گا اور اب اس ڈرامے کو ہفتے کے 5 دنوں میں نشر کیا جاتا ہے، مذکورہ ڈرامے کو پیر اور منگل کے علاوہ ہفتے کے تمام دنوں میں پی ٹی وی پر نشر کیا جاتا ہے۔جو افراد اسے پی ٹی وی پر نہیں دیکھ پاتے وہ یوٹیوب پر دیکھ لیتے ہیں۔