گوگل نیوز پر ہمیں فالو کریںاسلام آباد: وزیر اعظم عمران خان نے حالیہ دھرنوں اور پرتشدد مہم کا ڈٹ کر مقابلہ کرنے والے پولیس فورس کے اہلکاروں کو خراج تحسین پیش کیا ہے۔
سماجی رابطوں کی ویب سائٹ ٹوئٹر پر پیغام شیئر کرتے ہوئے وزیراعظم عمران خان نے کہا ہے کہ ” ملک بھر میں انتشار کو ہوا دیکر کر حکومت کو بلیک میل کرنے کی غرض سے پھیلائےجانے والے منظم تشدد کا جوانمردی سےسامنا کرنے پر میں اپنی پولیس کو خراج تحسین پیش کرتا ہوں۔”
ملک بھر میں انتشار کو ہوا دیکر کر حکومت کو بلیک میل کرنے کی غرض سےپھیلائےجانے والےمنظم تشدد کا جوانمردی سےسامنا کرنے پرمیں اپنی پولیس کوخراج تحسین پیش کرتا ہوں۔ 4 جوان شہیدجبکہ 600 سےزائد زخمی ہوئے۔ قوم ان ہیروز کی مقروض ہے چنانچہ شہداء کے اہلِ خانہ کی ہم مکمل دیکھ بھال کریں گے۔
— Imran Khan (@ImranKhanPTI) April 16, 2021
اپنی ٹوئٹ میں وزیراعظم کا کہنا تھاکہ پولیس نے حکومت کو بلیک میل کرنے کی منظم پر تشدد مہم کا مقابلہ کیا جس پر پولیس فورس کو خراج تحسین پیش کرتا ہوں۔
انہوں نے کہا کہ حالیہ احتجاج اور دھرنوں میں 4 پولیس جوان شہید اور 600 زخمی ہوئے، پوری قوم ان ہیروز کی مقروض ہے۔ وزیراعظم کا کہنا تھاکہ ہم شہداء کے خاندانوں کا خیال رکھیں گے۔
یہ بھی پڑھیں : آئی ایل ایف کا پولیس ٹریننگ سینٹر سعیدآباد میں چھاپہ، غیرقانونی قید نوجوان بازیاب
