کب تک دنیا انتہا پسند مودی کے فاشسٹ اقدامات پر خاموش رہے گی، وزیر اعظم عمران خان

اسلام آباد: وزیراعظم عمران خان نے کہاہے کہ کب تک دنیا انتہا پسند مودی کے فاشسٹ اقدامات پر خاموش رہے گی۔

 سماجی رابطے کی ویب سائٹ ٹوئٹر پر وزیراعظم عمران خان نے ریاستی دہشت گردی سے متعلق بھارتی جریدے کا مضمون اور چند ویڈیو بھی شیئر کیں۔

وزیراعظم عمران خان نے کہاکہ مودی حکومت بھارت میں ریاستی دہشتگردی پر اتر آئی ہے ۔ وزیراعظم نے بھارتی اخبار کے آرٹیکل کا حوالہ دیا۔

انتہاء پسند سفاک مودی سرکار ریاستی دہشت گردی پر اتری ہوئی ہے اور دنیا خاموش تماشائی کا کردار ادا کررہی ہے۔ اقوام عالم آخر کب تک چپ سادھے مودی سرکار کی بربریت کا نظارہ کرتی رہیں گی؟
https://t.co/GbIzHtEUlq

— Imran Khan (@ImranKhanPTI) January 3, 2020

وزیر اعظم نے کہاکہ بھارتی اخبار نے ریاست کی طرف سے نفرت کی پالیسیوں پر تنقید کی ہے۔وزیراعظم نے کہاکہ فسطائی مودی سرکار ریاستی دہشت گردی میں ملوث ہے، دنیا کب تک اس ریاستی دہشت گردی پر خاموش رہے گی۔