گوگل نیوز پر ہمیں فالو کریںوزیرِ اعظم عمران خان نے پاکستان میں جاپان کی طرز پر اربن فارسٹری کا آغاز کردیا ہے جس کے تحت شجر کاری میں انقلاب آجائے گا۔
تفصیلات کے مطابق وزیرِ اعظم عمران خان نے فضائی آلودگی پر قابو پانے کیلئے احسن اقدام اٹھاتے ہوئے جاپانی طرزِ شجر کاری مییا واکی کی طرز پر شہری علاقوں میں شجرکاری کا افتتاح کردیا۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ جاپانی طرزِ شجرکاری کے مطابق پودے 10گنا تیزی سے افزائش اور نشوونما پاتے ہیں اور 30 گنا زیادہ گھنے ہوتے ہیں۔
پیغام میں وزیرِ اعظم عمران خان نے کہا کہ حکومت نے لاہور میں ایسے 50 مقامات منتخب کیے ہیں جبکہ پہلا تجربہ 2020ء میں لبرٹی میں کیا گیا۔ شجرکاری کے ذریعے آلودگی سے نجات حاصل کرنے میں مدد ملے گی۔
میں نےجاپانی اندازِشجرکاری مییاواکی، جو 10 گنا تیز افزائش کیساتھ پودوں کو 30 گنا زیادہ گھناکرتا اور آلودگی سےنجات میں مدد دیتاہے،کی طرزپرشہری علاقوں میں شجرکاری کاافتتاح کردیاہے۔لاہورمیں 50 مقامات منتخب کئےگئےہیں جبکہ پہلا تجربہ 2020میں لیبرٹی میں کیاگیا۔
pic.twitter.com/iOJcYi6sSn— Imran Khan (@ImranKhanPTI) February 13, 2021
یاد رہے کہ اِس سے قبل وزیراعظم عمران خان نے حکومت کے درخت لگانے کے منصوبے میں عوام کو شرکت کرنے پر زور دیتے ہوئے کہا کہ ملک کے مستقبل 5 سال کی منصوبہ بندی سے نہیں بنتے بلکہ اس کے لیے طویل مدتی منصوبوں کی ضرورت ہوتی ہے۔
گزشتہ روز جیلانی پارک میں اربن فاریسٹ منصوبے کی افتتاحی تقریب میں خطاب کرتے ہوئے عمران نے کہا کہ لاہور میں جو درخت لگائے گئے تھے وہ پچھلے 12، 13 سال میں 70 فیصد کم تھے جس کی وجہ سے اسموگ شروع ہوا اور سورج نظر نہیں آتا، بارش نہ ہونے سے نومبر میں اسموگ ہوجاتا ہے۔
مزید پڑھیں: آلودگی ختم کرنے کیلئے شجر کاری ناگزیر ہے: وزیراعظم عمران خان
