آپ کا وزیر اعظم آپ کے ساتھ، عمران خان عوام سے براہِ راست گفتگو آج کرینگے

اسلام آباد: آپ کا وزیر اعظم آپ کے ساتھ پروگرام میں وزیر اعظم آج عوام سے براہِ راست گفتگو کریں گے۔ عوام کو سرکاری پالیسیوں اور پیش رفت سے آگہی دی جائے گی۔

سماجی رابطے کی ویب سائٹ ٹوئٹر پر2 روز قبل وزارت قومی صحت کی وفاقی پارلیمانی سیکریٹری و رکنِ قومی اسمبلی ڈاکٹر نوشین حامد نے اپنے پیغام میں کہا کہ آپ کا وزیر اعظم آپ کے ساتھ پروگرام 23 جنوری کو سہ پہر 3 بجے نشر کیا جائے گا۔

یہ بھی پڑھیں:

حکومت ذاتی نہیں بلکہ عوامی فلاح و بہبود کیلئے کام کررہی ہے، وزیر اعظم

آپ کا وزیراعظم آپ کیساتھ پروگرام 23جنوری سہہ پہر تین بجے ہو گا۔
مختلف شعبوں میں حکومت کے ترقیاتی اقدامات سے عوام کو آگاہ کیا جائیگا۔
وزیراعظم @ImranKhanPTI اتوار کو ٹیلی فون پر عوام کی شکایات اور آرا ءسنیں گئے- انشااللہ

— Dr. Nausheen Hamid (@DrNausheenPTI) January 21, 2022

رکنِ قومی اسمبلی ڈاکٹر نوشین حامد نے کہا کہ مختلف شعبہ جات میں حکومت کے ترقیاتی اقدامات سے عوام کو آگاہ کیا جائے گا۔ وزیر اعظم اتوار کو ٹیلی فون پر عوام کی شکایات اور آراء سنیں گے۔

وزیر اعظم آفس کا کہنا ہے کہ وزیر اعظم عمران خان ایک بار پھر عوام کے سوالات کے جوابات دیں گے جو اتوار کو 3 بج کر 30 منٹ پر ریڈیو، ٹی وی اور ڈیجیٹل میڈیا پر براہِ راست نشر ہوگی۔ عوام 9224900-051 پر وزیر اعظم سے رابطہ کرسکیں گے۔ 

#آپکا_وزیراعظم_آپکے_ساتھ کے ایک اور سیشن میں وزیر اعظم عمران خان کل بروز اتوار ایک مرتبہ پھر بذریعہ ٹیلی فون عوام کے سوالات کے جوابات دیں گے۔

وزیراعظم سے آپ کی گفتگو کل سہ پہر 3:30 بجے ٹیلی فون، ریڈیو اور ڈیجیٹل میڈیا پر براہِ راست نشر کی جائے گی۔

????Dial : 051-9224900 pic.twitter.com/ETTEuSA5Gq

— Prime Minister's Office (@PakPMO) January 22, 2022

خیال رہے کہ اس سے قبل وزیر اعظم عمران خان نے ایک بار پھر عالمی برادری سے مطالبہ کیا کہ وہ ان لاکھوں افغانوں کو فوری امداد فراہم کریں جنہیں غذائی قلت کے خطرے کا سامنا ہے۔

وزیر اعظم عمران خان نے گزشتہ روز ٹوئٹر پیغام میں کہا کہ عالمی برادری کی ذمہ داری ہے کہ وہ افغانستان کی موجودہ صورتحال میں مدد کرے، عالمی برادری تحفظ کی ذمہ داری کے متفقہ اصول پر عمل کرے۔