گوگل نیوز پر ہمیں فالو کریںاسلام آباد: وزیرِ اعظم عمران خان نے جعلی اسناد پر بھرتی کیے گئے 262 پائلٹس کا احتساب کیا جس کیلئے انہیں قابلِ تعریف قرار دیا گیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم کے معاونِ خصوصی برائے سیاسی ابلاغ ڈاکٹر شہباز گِل نے کہا کہ پیپلز پارٹی اور ن لیگ کے دور میں جعلی اسناد پر درجنوں پائلٹس بھرتی کیے گئے۔
معاونِ خصوصی برائے سیاسی ابلاغ ڈاکٹر شہباز گِل نے کہا کہ اللہ تعالیٰ نے وزیرِ اعظم عمران خان کو یہ شرف بخشا کہ ایسے 262 پائلٹس کو پکڑیں اور سزائیں بھی دیں۔ اب بھی لوگ پوچھتے ہیں کہ نیا پاکستان کہاں ہے؟
ڈاکٹر شہباز گِل نے کہا کہ پاکستان کے ہر محکمے میں بدعنوانی، کرپشن اور گندگی موجود ہے جو وزیرِ اعظم عمران خان کو ٹھیک کرنی پڑ رہی ہے۔ وزیرِ اعظم عمران خان احتساب کیلئے قابلِ تعریف ہیں۔
پی پی اور ن لیگ نے اپنے زمانے جعلی سندوں جعلی سرٹیفکیٹ پر پائلٹ بھرتی کئیے
یہ شرف بھی اللہ نے عمران خان کو دیا کہ ایسے 262 پائیلٹوں کو خان ہی پکڑے اور سزائیں بھی دے۔ پھر کہتے ہیں کہا ں ہے نیا پاکستان۔
ہر محکمے میں کرپشن اور گندگی۔ خان کو ایک ایک چیز ٹھیک کرنی پڑ رہی ہے۔
— Dr. Shahbaz GiLL (@SHABAZGIL) June 25, 2020
یہ بھی پڑھیں: پارٹی ڈسپلن پر عمل کرنا تمام اراکین کی ذمہ داری ہے، وزیراعظم
