غریبوں کی داد رسی، وزیر اعظم کا پیٹرولیم مصنوعات کی قیمتیں بڑھانے سے انکار

اسلام آباد: حکومت کی جانب سے آئندہ 15 روز کے لئے پیٹرولیم مصنوعات کی قیمتیں برقرار رکھنے کا فیصلہ کیا گیا ہے، وزیر اعظم عمران خان نے اوگرا کی سمری کو مسترد کردیا ہے۔

ذرائع کے مطابق اوگرا نے آئندہ 15 روز کے لیے پیٹرول کی قیمت میں 20 روپے 7 پیسے اور ڈیزل کی قیمت میں 19 روپے 61 پیسے اضافے کی سمری وزارت پیٹرولیم کو بھجوا ئی گئی تھی، تاہم وزیر اعظم نے سمری کو مسترد کردیا ہے۔

واضح رہے کہ پیٹرولیم مصنوعات کی قیمتوں میں اضافے سے عوامی سطح پر حکومت کو شدید تنقید کا نشانہ بنایا گیا ہے، 15 فروری کو بھی اوگرا کی جانب سے پیٹرولیم مصنوعات کی قیمتوں میں اضافے کی سمری کو مسترد کیا جاچکا ہے۔

اوگرا نے تقریباً 6 سے 7 روپےفی لیٹر تک پٹرولیم مصنوعات کی قیمت بڑھانے کی تجویز کی۔ وزیراعظم عمران خان نے یہ تجویز منظور نہیں کی۔ پٹرولیم مصنوعات کی قیمتوں میں کوئی اضافہ نہیں کیا گیا۔ عالمی مارکیٹ میں پٹرولیم مصنوعات کی قیمتوں میں مسلسل اضافے کے باوجود وزیراعظم نے اجازت نہیں دی pic.twitter.com/Xwmn3EuhGc

— Dr. Shahbaz GiLL (@SHABAZGIL) February 28, 2021

وزیر اعظم عمران خان کے معاون خصوصی شہباز گل نے بھی ٹوئٹ کرکے اس بات کی تصدیق کی ہے کہ وزیر اعظم عمران خان نے پیٹرولیم مصنوعات کی قیمتوں سے متعلق اوگرا کی سمری کو مسترد کردیا ہے۔

مزید پڑھیں: موسم بہارکی آمد پر پی آئی اے نے کرایوں میں خصوصی رعایت کر دی