لاہور، یو ٹیوب چینل کی آڑ میں جسم فروشی پر 30سے زائد ملزمان گرفتار

پنجاب کے صوبائی دارالحکومت لاہور میں یو ٹیوب چینل کی آڑ میں جسم فروشی کے الزام میں پولیس نے 30 سے زائد ملزمان کو گرفتار کر لیا ہے۔

سماجی رابطے کی ویب سائٹ ٹوئٹر پر پنجاب پولیس کے آفیشل اکاؤنٹ پر جاری کردہ معلومات کے مطابق لاہور پولیس نے یو ٹیوب چینل کی آڑ میں جسم فروشی کا مکروہ کاروبار کرنے والوں کے خلاف کارروائی کی۔

یہ بھی پڑھیں:

اسلام آباد میں مساج سینٹرز جسم فروشی کے اڈے بن گئے، قحبہ خانوں کا کاروبار شروع

پولیس نے جسم فروشوں کے خلاف کارروائی کے دوران قحبہ خانے پر چھاپہ مارا اور 30 سے زائد ملزمان کو گرفتار کیا۔ پنجاب پولیس کاکہنا ہے کہ ملزمان کے خلاف سخت قانونی کارروائی کی جائے گی۔

لاہور پولیس نے یوٹیوب چینل کی آڑ میں جسم فروشی کا مکروہ دھندہ چلانے والوں کے خلاف قحبہ خانے پر ریڈ کر کے 30 سے زائد ملزمان کو گرفتار کر کے سخت قانونی کاروائی کا آغاز کر دیا ہے ۔@Lahorepoliceops pic.twitter.com/iizCVKGEd3

— Punjab Police Official (@OfficialDPRPP) March 10, 2022

خیال رہے کہ اس سے قبل وفاقی دارالحکومت اسلام آباد میں مساج سینٹرز جسم فروشی کے اڈے بن گئے جہاں شہری انتظامیہ کی مبینہ ملی بھگت سے قحبہ خانوں کا کاروبار عروج پر پہنچ گیا۔ شہر کے پوش سیکٹرز میں جسم فروشی کے الزامات سامنے آگئے۔ 

گزشتہ برس جنوری کے دوران یہ انکشاف سامنے آیا کہ اسلام آباد کے پوش ایریا ایف 11، سپر مارکیٹ اور جناح سپر مارکیٹ میں ایسے بیوٹی سلونز اور سپاء سنٹرز کی بھرمار ہے جہاں غریب اور بے سہارا لڑکیوں کو مکروہ دھندے پر لگا دیا جاتا ہے۔