ملک میں سیاسی عدم استحکام سے معاشی عدم استحکام ہو رہا ہے، مریم اورنگزیب

تفصیلات کے مطابق مریم اورنگزیب نے پریس کانفرنس میں گفتگو کرتے ہوئے کہا کہ الیکشن تب ہوسکتے تھے جب عمران خان اقتدار میں تھے اس وقت تو آپ اپنی حکومت بچانے کے لیے منتیں کرتے رہے۔

مریم اورنگزیب نے الزام لگاتے ہوئے کہا کہ عمران خان نے چور دروازے سے چیف الیکشن کمشنر سے ملاقات کی کوشش کی جس طرح وہ جاوید اقبال سے کرتے تھے اور ڈی جی ایف آئی اے سے کرتے تھے، جب چیف الیکشن کمشنر نے ملنے سے انکار کیا تو پھر یہ ان کے خلاف ہو گئے۔

وفاقی وزیر نے الیکشن کمیشن کو مخاطب کرتے ہوئے کہا کہ وہ عمران خان کے الزامات کے جواب میں اُن کیخلاف قانونی کارروائی عمل میں لائے اور جلد فارن فنڈنگ کیس کا فیصلہ سنائے۔

یہ بھی پڑھیں:

الیکشن کمیشن پی ٹی آئی ممنوعہ فنڈنگ کیس کا فیصلہ جلد سنائے، وزیراعظم

اُن کا مزید کہنا تھا کہ عمران خان ملک میں انتشار اور افراتفری چاہتے ہیں اور اداروں کو تباہ کرنا چاہتے ہیں۔ وہ فارن فنڈنگ اور منی لانڈرنگ کرتے ہوئے پکڑے گئے ہیں، عمران خان نے اقتدار کی کرسی پر بیٹھ کر معاشی لینڈ مائنز بچھائیں، اداروں کو مفلوج کیا، اداروں کو کمزور کیا، اداروں کو استعمال کر کے سیاسی انتقام کا نشانہ بنایا۔

وفاقی وزیر مریم اورنگزیب نے کہا کہ عمران خان چاہتے تھے کہ وہ تمام 20 سیٹیں جیت جائیں، ایسا نہیں ہوا تو وہ الیکشن کمیشن پر حملہ آور ہو گئے، تحریک عدم اعمتاد کا مقابلہ کرنے کے بجائے بھی عمران خان آئین پر حملہ آور ہوئے۔