گوگل نیوز پر ہمیں فالو کریںاسلام آباد: آرمی چیف جنرل قمر جاوید باجوہ نے صدر مملکت ڈاکٹر عارف علوی کو دہشت گرد عناصر کے خلاف سیکیورٹی فورسز کی پیشہ وارانہ تیاریوں اور اقدامات کے بارے میں بریفنگ دی۔
ایک بیان کے مطابق ایوان صدر میں ہونے والی ملاقات میں سول ملٹری قیادت نے قومی سلامتی اور علاقائی صورتحال پر تبادلہ خیال کیا۔
ملاقات کے دوران آرمی چیف نے اس عزم کا اعادہ کیا کہ مسلح افواج ملک سے عسکریت پسندوں اور شرپسندوں کے خاتمے کے لیے پرعزم ہیں۔
اس موقع پر صدر مملکت نے سیکیورٹی فورسز کو زبردست خراج تحسین پیش کیا جنہوں نے بلوچستان اور خیبر پختونخوا کے نئے ضم ہونے والے اضلاع میں عسکریت پسندوں کے خلاف حالیہ کارروائیوں میں اپنی جانیں قربان کیں۔
صدر مملکت نے مزید کہا کہ قوم کو تمام تر مشکلات کے باوجود مسلح افواج کی قربانیوں پر فخر ہے، سیکیورٹی فورسز نے ملک کی سرحدوں کا دفاع کیا ہے۔
آئی ایس پی آر کے مطابق دو دن قبل آرمی چیف نے زور دے کر کہا تھا کہ دہشت گردی کو شکست دینے کے لیے دہشت گردوں اور ان کے ہمدردوں اور انہیں مدد فراہم کرنے والوں کے درمیان گٹھ جوڑ کو توڑناضروری ہے۔
آئی ایس پی آر کے مطابق آرمی چیف نے یہ بات پنجگور کے معززین اور قبائلی عمائدین سے بات چیت کے دوران کی، اپنی بات چیت میں، آرمی چیف نے دہشت گردی کے خلاف جنگ میں قانون نافذ کرنے والے اداروں کی حمایت پر قبائلی عمائدین کی تعریف کی۔
آئی ایس پی آر کے مطابق علاقے کے عمائدین کو علاقے میں خوشحالی اور ترقی کا ماحول بنانے کے لیے فوج کی جانب سے ”ہر طرح سے تعاون” کی یقین دہانی کرائی گئی۔
مزید پڑھیں: ایرانی وزیر داخلہ کا دورہ پاکستان، پاک ایران بارڈر بھی زیر بحث آئیگا
