احتجاج ہر شہری کا حق، جانوں کا ضیاع افسوسناک ہے۔صدرِ مملکت

اسلام آباد: صدرِ مملکت ڈاکٹر عارف علوی نے کہا ہے کہ احتجاج ہر شہری کا حق ہے تاہم جانوں کا ضیاع اور سرکاری املاک کے ساتھ ساتھ فوجی عمارات کو نقصان پہنچانا افسوسناک ہے۔

تفصیلات کے مطابق صدرِ مملکت ڈاکٹر عارف علوی نے سماجی رابطے کی ویب سائٹ ٹوئٹر پر اپنے پیغام میں کہا کہ ملکی صورتحال پر عسکری و سیاسی قیادت کو تحفظات سے آگاہ کردیا ہے۔

یہ بھی پڑھیں:

وزیراعلیٰ گلگت بلتستان کو اسلام آباد میں نظربند کردیا گیا

ٹوئٹر پیغام میں صدر عارف علوی نے کہا کہ احتجاج قانون کے دائرے میں ہونا چاہئے، کچھ شرپسندوں نے سرکاری املاک اور فوجی عمارات کو نقصان پہنچایا۔ یہ اقدام قابلِ مذمت ہے۔

I am alarmed, shocked & deeply disturbed over the current situation in the country arising out of the arrest & manhandling of the former PM Imran Khan. The loss of human lives as an aftermath is heart-wrenching, regrettable, unfortunate & highly condemnable.

Protest is a…

— Dr. Arif Alvi (@ArifAlvi) May 11, 2023

صدرِ مملکت ڈاکٹر عارف علوی نے کہا کہ سابق وزیر اعظم عمران خان کی گرفتاری اور ان کو زدوکوب کرنے سے جو صورتحال پیدا ہوئی، اس کے نتیجے میں انسانی جانوں کا ضیاع تشویشناک عمل ہے۔

انہوں نے کہا کہ ہمیں گرفتاریوں اور جبر کی بجائے ایک بار پھر سوچنا اور مسائل کا سیاسی حل تلاش کرنا ہوگا۔ میں نے سیاسی قیادت اور عسکری حکام کو تحفظات سے آگاہ کردیا، توقع ہے کہ حالات بہتر ہوں، اپیل ہے کہ تمام شہری پر امن رہیں۔