گوگل نیوز پر ہمیں فالو کریںکراچی: صدر آصف علی زرداری کی طبیعت اچانک خراب ہوگئی ہے جس کے بعد انہیں ہنگامی طور پر نوابشاہ سے کراچی منتقل کیا گیا۔
ذرائع کے مطابق صدر مملکت کو شدید انفیکشن کی شکایت ہے جس کی وجہ سے انہیں بخار ہوگیا۔ انہیں کراچی کے ایک معروف اسپتال میں داخل کیا گیا ہے جہاں ان کے طبی ٹیسٹ کیے گئے ہیں۔
خاندانی ذرائع کا کہنا ہے کہ آصف زرداری کا علاج معروف معالج ڈاکٹر عاصم کی نگرانی میں جاری ہے۔ ان کے قریبی رفقا اور اہل خانہ ہسپتال میں ان کی صحت کی صورتحال پر نظر رکھے ہوئے ہیں۔
صدر زرداری کے طبی مسائل کے بارے میں مزید تفصیلات فراہم کرنے کی کوشش کی جا رہی ہے۔ ان کے اسپتال منتقل ہونے کی خبر نے سیاسی حلقوں میں تشویش کی لہر دوڑا دی ہے، اور ان کے چاہنے والوں کی بڑی تعداد ان کی صحت کی دعا کر رہی ہے۔
یہ واقعہ اس وقت پیش آیا ہے جب آصف زرداری نے حال ہی میں سیاسی سرگرمیوں میں حصہ لینا شروع کیا تھا اور ملک کی موجودہ سیاسی صورتحال پر ان کے خیالات اہمیت رکھتے ہیں۔ ان کی صحت کی بحالی کے لیے دعاگو ہیں تاکہ وہ جلد سے جلد عوامی زندگی میں واپس آ سکیں۔
